Skip to main content
Monthly Archives

October 2017

මහ පිරිස් ඇති භික්ෂුන් අතුරෙහි අග්‍රස්ථානය ලැබූ උරුවෙල කස්සප මහරහතන් වහන්සේ.

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

උරුවෙල කස්සප මහ රහතන් වහන්සේ මහ පිරිස් ඇති භික්ෂුන් අතුරෙහි අග්‍රස්ථානය ලැබූ සේක. තම සහෝදර දෙනමගේද පිරිවර සහිතව දහසක පිරිසක් උන් වහන්සේ ල ග ශ්‍රාවකයයෝ වෙති. කස්සප යනු ගෝත්‍ර නාමය යි. උරුවෙල් ජනපදයෙහි විසූ හෙයින් උරුවේල කස්සප නමින් ප්‍රසිද්ධ විය. උරුවේල කස්සප, නදී කස්සප, ගයා කස්සප නමින් ප්‍රසිද්ධ තුන් බෑයෝත් ඔවුන්ගේ ශ්‍රාවකයෝත් හැම දෙනාම ජටිල යෝ වෙති.

උරුවෙල කස්සප මහරහතන් වහන්සේ මෙයින් අවුරුදු කල්ප ලක්ෂයකට පූර්වයෙහි ලොව පහළ වූ පදුමුත්තර නම් සර්වඥයන් වහන්සේගේ දවස හංසවතී නම් නුවර කුල ගෙයක ඉපිද වැඩි වියට පැමිණ වාසය කරන අවස්ථාවෙහි දිනක් බුදුරජාණන් වහන්සේන්ගෙන් ධර්මය ඇසීමට විහාරයට ගියහ. ඒ මොහොතෙහි බුදුරජාණන් වහන්සේ එක්තරා භික්ෂුවක මහ පිරිස් ඇති භික්ෂුන් අතුරෙහි අග්‍රස්ථානයට පත් කරනු දුටු එකී කුලපුත්‍රයා තමන්ටද අනාගතයෙහි බුදු කෙනෙකුගෙන් එබදු පදවියක් ලබනු කැමතිව සතියක් මුළුල්ලෙහි මහ දන් පවත්වා අවසානයේදී තමාගේ අභිප්‍රාය බුදුන්ට දැන් විය. බුදුරජාණන් වහන්සේ අනාගතය බලා එම ප්‍රාර්ථනාව සඵල වනු බව දැක ” කුල පුත්‍රය, මෙයින් කල්ප ලක්ෂයකට මත්තෙහි ලොව පහළ වන ගෞතමනම් බුදුන් ගේ ශාසනයෙහි දී තොපගේ ප්‍රාර්ථනාව සිද්ධ වන්නේ ය” යි විවරණ දුන් සේක.

Read More

ඤාතිකුලයන් පහදවන්නා වූ භික්ෂුන් අතුරෙන් අග්‍රස්ථානය ලද කාළුදායී මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

ඤාතිකුලයන් පහදවන්නා වූ භික්ෂුන් අතුරෙන් මේ කාළුදායී මහරහතන් වහන්සේ අග්‍රස්ථානය ලැබූ සේක. තම පුත්‍රයා වූ සිද්ධාර්ථ කුමාරයා රජගෙය අත්හැර ගොස් පැවිදිව බුද්ධත්වය ලැබූ බව ආරංචි මාත්‍රයෙන් දැන ගත් පියමහරජු සුද්ධෝදන රජතුමාට බුදුරජාණන් වහන්සේ දැකීමට ඇතිව තිබූ බලවත් ආශාව මුදුන්පත් කරවීමේ කාර්යය ඉටු කිරීමෙන් හා බුදුරජාණන් වහන්සේන්ගේ ඥාති කුලය බුදු සසුනෙහි පහදවා ඔවුන්ට සෙත සැලසීමේ කාර්යය ඉටු කිරීමෙන් හැම දෙනකුගේ ප්‍රසාදයට ලක්වූයේ මේ කාළුදායි තෙරුන්වහන්සේ ය. උන්වහන්සේගේ පූර්වාපර චරිතාපදානය මෙහි දක්වනු ලැබේ.

 මෙයින් කල්ප ලක්‍ෂයකට පූර්වයෙහි ලොව පහළ වු පදුමුත්තර නම් බුදුරජාණන් වහන්සේන්ගේ කාලයෙහි හංසවතී නම් නුවර කුලගෙයක උපන් කාළුදායි තෙරණුවෝ දිනක් බුදුරජාණන් වහන්සේගෙන් බණ ඇසීමට විහාරයට ගොස් බණ අසන අවස්ථාවෙහි එක්තරා භික්ෂුවක කුලයන් පහදවන භික්ෂුන් අතුරෙහි අග්‍රස්ථානයෙහි තබනු සැටි දැක  මම ද අනාගතයෙහි මෙබඳු පදවියක් ලබන්නෙමි” යි අධිෂ්ඨාන කොට ගෙන සතියක් මහ දන් පවත්වා අවසානයේ දී බුදුරජාණන් වහන්සේට තම අභිප්‍රාය සැලකර සිටියහ. බුදුරජාණන් වහන්සේ අනාගතය බලා එය සඵලවනු බව දැන ” කුල පුත්‍රය, මෙයින් කල්ප ලක්ෂයකට මත්තෙහි බුදුවන ගෞතම නම් බුදුන්ගේ ශාසනයෙහිදී තොපගේ ප්‍රාර්ථනාව ඉටු වන්නේය ” යි විවරණ දුන් සේක.

Read More

නීරෝගවු භික්ෂුන් අතුරෙහි අගතනතුර දැරූ බක්කුල මහ රහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

බක්කුල මහරහතන් වහන්සේ නීරෝගවු භික්ෂුන් අතුරෙහි අග්‍රවන ස්ක. මේ බක්කුල තෙරුන් වහන්සේ අසු අවුරුද්දක් ගිහි ගෙයි වසන කාලයෙහිත්, අසු අවුරුද්දක් පැවිදි ජීවිතයෙහි ගත කළ කාලයෙහිත් ස්වල්ප වුද රෝගයක්වත් ඇති නොවීය. උන්වහන්සේ එසේය එකසිය සැට අවුරුද්දක් ආයු විඳි තෙරනමක් වුහ. කුල දෙකක වැඩුණු හෙයින් බක්කුල නම් විය. උන්වහන්සේන්ගේ පුර්වාපර චරිතාපදානය මෙසේ ය.

මෙම මහා භද්‍ර කල්පයට එකාසංඛ්‍ය කල්ප ලක්‍ෂයකට මත්තෙහි බුදු වු අනෝමදස්සී නම් බුදුරජාණන් වහන්සේන්ගේ කාලයෙහි මේ බක්කුල තෙරුන් වහන්සේ වේදත්‍රයෙහි කෙළ පැමිණි බ්‍රාහ්මණයෙකුව ඉපිද තාපස පැවිද්ද ලබා වසන කල්හි එම අනෝමදස්සි බුදුරජාණන් වහන්සේට වැළඳුනු උදරාබාධයක් සන්සිඳ වුහ. හෙතෙම මේ කළාවු පින්බලයෙන් “උපනුපන් ජාතියෙහි කිසිම ආබාධයක් නො වේවා ” යි ප්‍රාර්ථනා ද කෙළේ ය.

Read More

පෙර විසූ කඳ පිළිවෙළ (පුබෙබනිවාසානුස්සති) සිහි කරන්නා වු භික්ෂුන් අතුරෙහි අග්‍රස්ථානය ලද සෝභිත මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

සෝභිත මහරහතන් වහන්සේ පෙර විසූ කඳ පිළිවෙළ (පුබෙබනිවාසානුස්සති) සිහි කරන්නා වු භික්ෂුන් අතුරෙහි අග්‍රස්ථානය ලැබූ සේක. උන් වහන්සේන්ගේ පූර්වාර චරිතාපදානය පහත දැක්වෙන පරිදිය.

මෙයින් කල්ප ලක්‍ෂයකට පුර්වයෙහි ලොව පහළ වූ පදුමුත්තර නම් බුදුරජාණන් වහන්සේ ගේ සමයෙහි හංසවතී නුවර කුලගෙයක උපන් මෙතුමා දිනක් බුදුරජාණන් වහන්සේන්ගෙන් බණ අසන අවස්ථාවක එක්තරා භික්ෂුවක පෙර විසූ කඳ පිළිවෙළ සිහි කරණ භික්ෂුන් අතුරෙහි අග්‍රස්ථානයෙහි තබනු දැක ” මම ද අනාගත බුදු කෙනෙකුගේ ශාසනයෙහි මෙ බඳු පදවියක් ලබන්නෙමි” යි අධිෂ්ඨාන කොට සත් දවසක් මුළුල්ලෙහි මහ දන් පවත්වා අවසාන දිනයෙහි ඒ බව බුදුරජාණන් වහන්සේට සැල කෙළේ ය.

Read More

විනයධර භික්ෂුන් අතුරෙහි අග්‍රස්ථානය ලැබූ උපාලි මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

උපාලි මහරහතන් වහන්සේ විනයධර භික්ෂුන් අතුරෙහි අග්‍රස්ථානය ලැබූ සේක. බුදු රජාණන් වහන්සේ ගේ පරිනිර්වාණයෙන් පසු සිදුකළ ධර්ම විනය මහා සංගායනාවේ දී මුන් වහන්සේ විනය පිටකය සංගායනා කිරීමට මුල්වූ සේක. උපාලි මහරහතන් වහන්සේන්ගේ පුර්වාපර චරිතාපදානය පහත දක්වනු ලැබේ. 

මෙයින් කල්ප ලක්‍ෂයකට පූර්වයෙහි මෙලොව පහළ වු පදුමුත්තර නම් සර්වඥයන් වහන්සේගේ කාලයේ දී හංසවතී නුවර එක්තරා කුලගෙයක උත්පත්තිය ලැබු මේ තෙම, බුදුරජාණන් වහන්සේ හමුව බණ අසමින් සිටින අවස්ථාවක එක්තරා භික්ෂුවක විනයධර භික්ෂුන් අතුරෙහි අග්‍රස්ථානයෙහි තබනු දුටුවේය. මම ද අනාගත යෙහි බුදු කෙනෙකුගෙන් මෙ බඳු පදවියක් ලබන්නෙමි යි සිතු ඒ කුල පුත්‍රයා එයින් පසු සත් දිනක් මහ දදී අවසානයෙහි දී ‘තම අභිප්‍රාය බුදුරජාණන් වහන්සේට සැල කෙළේය. උන් වහන්සේ  අනාගතය බලා එය සඵලවන බව දැන ” කුල පුත්‍රය, මෙයින් කල්ප ලක්‍ෂයකට මතු බුදුවන ගෞතම නම් බුදුන්ගේ ශාසනයෙහි දී ඔබට විනයධර භික්ෂුන් අතුරෙහි අග්‍රස්ථානය ලැබෙන්නේය”යි විවරණ දුන්සේක.

Read More

භික්ෂුණීන්ට අවවාද දෙන භික්ෂුන් අතුරෙන් අග්‍ර වූ නන්දක මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

නන්දක මහරහතන් වහන්සේ භික්ෂුණීන්ට අවවාද දෙන භික්ෂුන් අතුරෙන් අග්‍ර වූ ස්ක. එක් අවස්ථාවක මුන් වහන්සේ ගේ අවවාද අසා භික්ෂුණීහු පන්සියයක් රහත් වුහ. මේ පදවිය ලැබීමට එක් හේතුවක් වුයේ මේ සිද්ධිය යි, නන්ද තෙරුන් වහන්සේන්ගේ පුර්වාපර චරිතාපදානය මෙසේ දක්වමු.

මෙයින් කල්ප ලක්‍ෂයකට පුර්යෙහි මෙලොව පහළ වු පදුමුත්තර නම් සර්වඥයන් වහන්සේන්ගේ කාලයෙහි හංසවතී නුවර කුලගෙයක උපන් මෙතුමා වැඩි වියට පැමිණ බුදුරජාණන් වහන්සේගෙන් බණ අසන අවස්ථාවක එක්තරා භික්ෂුවක මෙහෙණින්ට අවවාද දෙන භික්ෂුන් අතුරෙහි අග්‍රස්ථානය තබනු දැක ” මම ද අනාගතයෙහි මෙබඳු පදවියක් ලබන්නෙමි” යි සිතා සත්දවසක් මහ දන් පවත්වා අවසානයෙහිදී තම ප්‍රාර්ථනාව බුදුරජාණන් වහන්සේට සැල කළේය. බුදුරජාණන් වහන්සේ අනාගතය බලා එය සඵල වන බව දැන කුල ” පුත්‍රය, මෙයින් අවුරුදු කල්ප ලක්‍ෂයක් ගිය තැන ලොව පහළ වන ගෞතම නම් බුදුන්ගේ ශාසනයෙහිදී ඔබට මෙම අග්‍රස්ථානය ලැබෙන්නේය ” යි විවරණ දුන් සේක.

Read More

මනාව වසනලද ඉඳුරන් ඇති භික්ෂුන් අතුරෙහි අග්‍රස්ථානය ලැබූ නන්ද මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

නන්ද මහරහතන් වහන්සේ මනාව වසනලද ඉඳුරන් (ඉන්ද්‍රියෙසු ගුත්තරද්වාර) ඇති භික්ෂුන් අතුරෙහි අග්‍රස්ථානය ලැබූ සේක. රහතන් වහන්සේලා හැම දෙනම වසනලද ඉඳුරන් ඇත්තේය. මුන් වහන්සේ වනාහී හැම මොහොතක් පාසාම (සාත්ථක, සප්පාය, ගොචර,අසම් මොහන සංඛ්‍යාත) චතු සම්පාඤ්ඤයෙන් යුතුව වාසය කරන ස්ක. එහෙයින් මනාව වසන ලද ඉඳුරන් ඇති භික්ෂුන් අතර අග වන සේක. නන්ද රහතන් වහන්සේගේ පුර්වාපර චරිතාපදානය පහත දක්වනු ලැබේ.

මෙයින් කල්ප ලක්‍ෂයකට පූර්වයෙහි බුදු වූ පදුමුත්තර නම් බුදුරජාණන් වහන්සේ ලෝකවාසීන් සසර සයුරෙන් ගලවනු පිණිස දහම් දෙසන සමයෙහි මේ නන්ද තෙරණුවෝ හංසවතී නුවර කුලගෙයක උපන්හ. හෙතෙම වැඩිවියට පැමිණ බුදු බණ අසමින් සිටින මොහොතක එක්තරා භික්ෂුවක් වසන ලද ඉඳුරන් ඇති භික්ෂුන් අතුරෙහි අග්‍රස්ථානය ලබනු දැක ” මම ද අනාගතයෙහි මෙ බඳු පදවියක් ලබමි “යි සිතා බුද්ධ ප්‍රමුඛ මහා සංඝරත්නයට සතියක් මුළුල්ලෙහි මහදන් පවත්වා අවසානයෙහි දී බුදුරජාණන් වහන්සේට තම අභිප්‍රාය දැන්වීය. උන්වහන්සේ අනාගතය බලා එකී ප්‍රාර්ථනාව ඉෂ්ට වන බව දැන පින්වත, මෙයින් කල්ප ලක්‍ෂයකට මත්තෙහි බුදුවන ගෞතම බුදුන්ගේ ශාසන යෙහිදී තොපගේ ප්‍රාර්ථනාව  සිද්ධවන්නේ ය යි විවරණ දුන්සේක. ඒ කුල පුත්‍රයා එතැන් සිට දිවි ඇති තාක් පින්දහම් කොට එයින් චුතව බොහෝ කාලයක් සසර සැරිසරමින් සිට අපගේ බුදුරජාණන් වහන්සේ ලොව පහළ වූ කල්හි උන්වහන්සේම කිරීමව් වූ ප්‍රජාපතී ගෝතමියට පුත්ව උපන්නේ ය. ඔහුට නන්ද යයි නම් තබන ලද්දේ ය.

Read More

භික්ෂුන්ට අවවාද දෙන භික්ෂුන් අතුරෙහි අග්‍රස්ථානය ලැබූ මහා කප්පින මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

මහා කප්පින මහරහතන් වහන්සේ භික්ෂුන්ට අවවාද දෙන භික්ෂුන් අතුරෙහි අග්‍රස්ථානය ලැබූ සේක. මුන් වහන්සේ එකම අවස්ථාවක දී දහසක් භික්ෂුන්ට අවවාද වශයෙන් දහම් දෙසා ඔවුන් රහත් කර වු සේක. මේ අරමුණු කොට මහා කප්පින තෙරුන්ට භික්ෂුන්ට අවවාද දෙන භික්ෂුන් අතුරෙහි අග්‍රස්ථානය ලැබුණේය. උන්වහන්සේ ගේ පූර්වාපර චරිතාපදානය මෙසේ ය,

මෙයින් කල්ප ලක්ෂයකට පුර්වයෙහි බුදු වූ පදුමුත්තර නම්, සර්වඥයන් වහන්සේ ලෝ වැසියන්ට නිවන් මඟ දක්වමින් ධර්ම දේශනා කරන කල්හි මුන් වහන්සේ හංසවතී නුවර කුල ගෙයක එක්තරා කුල පුත්‍රයෙක් ව ඉපිද වැඩි වියට පත් වූ කල්හි එම බුදුරජාණන් වහන්සේන්ගෙන් බණ අසන දිනයක උන්වහන්සේ විසින් එක්තරා භික්ෂුවක් භික්ෂුන්ට අවවාද දෙන භික්ෂුන් අතුරෙන් අග්‍රස්ථානය තබනු දැක ” මම ද අනාගතයෙහි මෙබඳු පදවියක් ලබන්නෙමි” යයි අධිෂ්ඨාන කළහ.

Read More

තේජෝ කසින සමාපත්තියට සම වැදීමේ දක්‍ෂ භික්ෂුන් අතුරෙහි අග්‍රස්ථානය ලැබූ  සාගත මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

 සාගත මහරහතන් වහන්සේ තේජෝ කසින සමාපත්තියට සම වැදීමේ දක්‍ෂ භික්ෂුන් අතුරෙහි අග්‍රස්ථානය ලැබූ සේක. උන්වහන්සේ ගේ පූර්වාපර චරිතාපදානය පහත දක්වනු ලබේ.

මෙයින් කල්ප ලක්‍ෂයකට පෙර ලොව පහළ වු පදුමුත්තර නම් සර්වඥයන් වහන්සේන්ගේ කාලයෙහි හංසවතී නම් නුවර එක්තරා කුල ගෙයක උපන් මෙතුමා වැඩි වියට පත්ව දිනක් බුදුරජානන් වහන්සේගෙන් බණ අසමින් සිටි අවස්ථාවක එක්තරා භික්ෂුවක් තේජෝකසින සමාපත්තියට සමවදින භික්ෂුන් අතුරෙහි අග්‍රස්ථානය ලබනු දැක මම ද අනාගතයෙහි මෙ බඳු පදවියක් ලබන්නෙමි” යි. අධිෂ්ඨාන කොට සත් දවසක් මහදන් දී අවසාන දිනයේ දී බුදුරජාණන් වහන්සේ ට තම අභිප්‍රාය දන්වා සිටියේ ය. බුදුරජාණන් වහන්සේ ද අනාගතය බලා එම ප්‍රාර්ථනාව සඵල වන බව දැන කුල පුත්‍රය, මෙයින් කල්ප ලක්‍ෂයකට මත්තෙහි බුදුවන ගෞතම නම් බුදුන්ගේ ශාසනයෙහි දී ඔබට මෙම අග්‍රස්ථානය ලැබෙන්නේ ය යි විවරණ දුන් සේක.

Read More

මනාවූ වැටහීම් ශක්තියක් (භාටිභානයක් ) ඇති භික්ෂුන් අතුරෙහි අග්‍රස්ථානය ලැබූ රාධ මහරහතන් වහන්සේ …

By පරම පූජණීය අසූ මහා ශ්‍රාවකයයන් වහන්සේ ... ( Asumaha Srawakayo ...) No Comments

රාධ මහතෙරුන් වහන්සේ මනාවූ වැටහීම් ශක්තියක් (භාටිභානයක් ) ඇති භික්ෂුන් අතුරෙහි අග්‍රස්ථානය ලැබූ සේක. උන් වහන්සේ ගේ පූර්වාපර චරිතාපදානය මෙහි දක්වනු ලැබේ.

මෙම රාධ තෙරුන් වහන්සේ මෙයට කල්ප ලක්‍ෂයකට පුර්වයෙහි බුදු වූ පදුමුත්තර නම් බුදුරජාණන් වහන්සේන්ගේ කාලයෙහි හංසවතී නුවර කුලගෙයක උපන්නේය. පසු කලෙක බුදුරජාණන් වහන්සේන්ගෙන් බණ අසමින් සිටි අවස්ථාවක එක්තරා භික්ෂුවක් මනාවූ වැටහීම් ශක්තියක් ඇති භික්ෂුන් අතුරෙහි අග්‍රස්ථානය ලබනු දැක මම ද ” අනාගතයෙහි බුදු කෙනෙකුගෙන් මෙ බඳු පදවියක් ලබමි” යි සිතා සතියක් මහදන් පවත්වා අවසාන දිනයෙහි දී තමන්ගේ අභිප්‍රාය බුදුරජාණන් වහන්සේට සැල කෙළේය. උන්වහන්සේ ද අනාගතය බලා එකී ප්‍රාර්ථනාව සඵලවන බව දැන ” එම්බා කුල පුත්‍රය, මෙයින් කල්ප ලක්‍ෂයකට මතු බුදුවන නම් බුදුරජාණන් වහන්සෙගේ ශාසනයෙහි ඔබගේ ප්‍රාර්ථනාව සිද්ධ වන්නේය” යි විවරණ දුන් සේක්ක. හෙතෙම එතැන් පටන් බොහෝ කාලයක් සසර සැරිසරමින් පින් දහම් කරන්නේ අපගේ බුදුරජාණන් වහන්සේන්ගේ කාලයෙහි රජගහනුවර බමුණු කුලයක ඉපිද රාධ නමින් ප්‍රසිද්ධව විසීය.

Read More

error: Content is protected by www.ifbcnet.org.