Skip to main content
All Posts By

Eranda

💜 අපේ බුදුහාමුදුරුවෝ 10 💜

By අපේ බුදු හාමුදුරුවෝ ... ( Ape Budu hamuduruwo ), බුදු දහමට සබැදි පොදු ලිපි ... No Comments

🌷 සුමේධ තවුසා පිළිබඳව ඔබ නොඇසූ කතා 07 🌷

🌻 දීපංකර බුදුරජාණන් වහන්සේ ලොව පහළවීම.

මේ කාලය තුල දීපංකර බෝධිසත්වයන් වහන්සේ වැඩ සිටියේ තුසිත දිවිය ලෝකේ දෙවු සැප විඳිමින්. නිසි කාලය පැමිණි කල දස දහසක් සක්වළ දෙවිවරුන් පැමිණ දීපංකර බෝසතානන්හට “මහා වීරයාණනි, මේ ඔබට බුදුවීමට කාලයයි”. මවු කුස ඉපදී දෙවු මිනිසුන් සසර දුකින් එතෙර කරන මෙන් ආරාධනය කරන්නට වුනා. ඒ බෝසතාණන් වහන්සේද එම ආයාචනය එක්වර පිළිනොගෙන පස්මහ බැලුම් බලා එය සුදුසු කාලයම බව දැන දෙවිවරුන්ට ප්රතිඥා දී දෙවිවරුන් ව පිටත් කොට තුසිත දෙවියන් විසින් පිරිවරන ලදුව තුසිත දෙව් ලොව නන්දන නම් වනයට පිවිසියා. සියලු ම දේව ලෝකවල නන්දන වනයක් ඇතයි කියනු ලැබේ. එහිදී දෙවියෝ “මෙයින් චුත ව සුගතියට යන්න, මෙයින් චුත ව සුගතියට යන්න” යැයි කරන ලද කුසල් සිහිගන්වමින් එහි ඇවිදිමින් ම චුත වුනා.

Read More

💙💚 අපේ බුදුහාමුදුරුවෝ 11 💙💚

By අපේ බුදු හාමුදුරුවෝ ... ( Ape Budu hamuduruwo ) No Comments

🌷 සුමේධ තවුසා පිළිබඳව ඔබ නොඇසූ කතා 08 🌷

🌺 දීපංකර බුදුරජාණන් වහන්සේ බුද්ධත්වයට පැමිණීම සහ සම්බුදු සිංහනාදය

බුද්ධත්වයෙන් පසුව දසබලධාරී දීපංකර බුදුරජාණන් වහන්සේ බුද්ධ සිංහනාද පවත්වා සත්සතියක් බෝධි මුලයේ කල්ගෙවා සාම්පති මහා බ්රහ්මයාගේ ආරාධනයෙන් සුනන්දාරාමයේ දම්සක් පවත්වා කෙළ සියයක් දෙවිමිනිසුන් හට ධර්මාමෘතය පොවා චාතුර්ද්වීපික මහා මේඝයක් සේ දහම් වැසි වස්සවමින් මහජනයාගේ සසර බැමි සිඳිමින් ජනපද චාරිකාවේ යෙදෙන්නට වුනා.

🌺 රහතන් වහන්සේලා හාරලක්ෂයක් සමගින් රම්ම නුවරට වැඩම කරවීම.

හරිම පුදුමයි බුදුවරු අතරත් ඇති සුවිශේෂතා. අපේ බුදුහාමුදුරුවෝ දම්සක් පවත්වා පස්වග මහණුන් ඇතුළු සියයකටත් වඩා අඩු පිරිසක් සමගිනුයි චාරිකාව ආරම්භ කලේ. කපිලවස්තු පුරයට එනවිටත් රහතන් වහන්සේලා හිටියේ විසිදාහයි. ඒ දසබලධාරී දීපංකර බුදුහාමුදුරුවෝ උපන් බිම වූ පරම රමණීය රම්ම නුවරට වැඩියේ රහතන්වහන්සේලා හාරලක්ෂයක් පිරිවරාගෙන. එසේ වැඩමකොට සුදර්ශන මහා විහාරයේ වැඩ වසන්නට වුනා.

Read More

💚💙💜 අපේ බුදුහාමුදුරුවෝ 12 💚💙💜

By අපේ බුදු හාමුදුරුවෝ ... ( Ape Budu hamuduruwo ) No Comments

💚 සුමේධ තවුසා පිළිබඳව ඔබ නොඇසූ කතා 09 💚

🌼 මිට පෙර කී පරිදි සුමේධ තවුසාණන් රම්ම නගරය උඩින් අහසින් යමින් සිටියදී නගරයේ උත්සවශ්රීය දැක මිනිසුන් බලා සිටියදීම අහසින් බැස මෙම උත්සවයට හේතු විමසන්නට වුනා. ඒ වනවිටත් රම්ම වැසින්යන් මහා සෘධි බලසම්පන්න සුමේධ තවුසාණන් ගැන හොඳින් දැන සිටියා. එවිට ඔවුන් මෙලෙස කියන්නට වුනා.

🌼 ස්වාමිනි ඔබ නොදන්නේද? දීපංකර බුදුරජාණන් වහන්සේ අනුත්තර සම්යක් සම්බෝධියට පැමිණ දම්සක් පවත්වා සුදස්සන මහා විහාරයෙහි වැඩ සිටිමින් ජනපද චාරිකාවේ යෙදෙනවා. අපි සැවොම එහි ගොස් උන්වහන්සේට අපේ නුවරට වඩින ලෙස ආරාධනය කළා. අද උන් වහන්වසේ සාර ලක්ෂයක් භික්ෂුන් වහන්සේලා පිරිවරාගෙන රම්ම නුවරට වඩිනවා. අපි මේ ඒ වඩින මග සරසනවා.

🌼 එවිට සුමේධ තවුසාට මෙහෙම හිතුනා. බුද්ධ යන මේ ශබ්දයද දුර්වලයි. බුදුඋපත ගැන කියනුම කවරේද? ඒ නිසා මමත් මේ මිනිසුන් සමග එක්ව මේ බුදුන් වඩින මග පිරිසිදු කරන්නට ඕනේ. එහෙම හිතලා උන්වහන්සේ ඒ පිරිසට මෙහෙම කිවා.

Read More

💚💙💜අපේ බුදුහාමුදුරුවෝ 13  💜💙💚

By අපේ බුදු හාමුදුරුවෝ ... ( Ape Budu hamuduruwo ) No Comments

🌷 සුමේධ තවුසා පිළිබඳව ඔබ නොඇසූ කතා 10 🌷

🌻 නියත විවිරණ සහ අෂ්ට ධර්ම 🌻

අපේ බුදුහාමුදුරුවෝ මේ වනවිටත් ඔබගේ නිවන වෙනුවෙන් පෙරුම් පුරමින් පැමිණි කාල පරිච්චේදය මිනිසෙකුට නොව බුදුවරයෙකුට වුවද සිතා අවසන් කල නොහැකි තරම් දීර්ඝ කාලයකි. එම දීර්ඝ කාල පරිච්චේදය බුදුබව පතන ආකාරය අනුව ප්රධාන කොටස් තුනකට බෙදේ. එනම් මනො ප්රණිධාන වාග් ප්රණිධාන, මහා ප්රනිධාන (කාය ප්රණීධාන) වශයෙනි. විවරණ වශයෙන් කොටස් දෙකකට බෙදේ. ඒ නියත විවරණ සහ අනියත විවරණ ලෙසය. එලෙස අනියත විවරණ සඳහා මේ වනවිටත් මනො ප්රණිධාන එනම් සිතින් පමණක්‌ බුදුබව පතමින් අසංක්ය කල්ප ලක්‌ෂ හතක් පසුකොට අවසන්ය. සම්මුඛ වූ බුදුවරු සංඛ්යාව එක්‌ලක්‌ෂ විසිපන්දහසකි. වාග් ප්රණිධාන වශයෙන් පැමිණි කාලය අසංඛ්ය කල්ප ලක්‌ෂ නවයකි. බුදුවරු සංඛ්යාව තුන්ලක්‌ෂ අසූහත් දහසකි. මෙලෙස සම්පුර්ණ කල කල්ප ප්රමාණය අසංඛ්ය කල්ප දහසයකි. සියලු බුදුවරු සංඛ්යාව පන්ලක්ෂ දොළොස් දහසකි. දැන් ඇත්තේ නියත විවරණ සම්පූර්ණ කර ගැනීමයි. ඒ සඳහා සම්මුඛ විය යුතු බුදුවරුන් ගණන විසිහතරෙකි. කාලය සාරාසංඛ්ය කල්ප ලක්ෂයකි.

Read More

අපේ බුදුහාමුදුරුවෝ 14 

By අපේ බුදු හාමුදුරුවෝ ... ( Ape Budu hamuduruwo ) No Comments

💚 සුමේධ තවුසා පිළිබඳව ඔබ නොඇසූ කතා 11 💚

💙 අභිනිහාරය 💙

අනියත විවරණ පූරණය කරමින් පැමිණි බෝසත්වරයෙකු විසින් ප්රථමයෙන් ලබන නියත විවරණය නොහොත් මංගල නියත විවරණය අභිනිහාරය යනුවෙන් හඳුන්වනු ලබනවා. එය ආශ්චර්ය ජනක තවත් අපුරු මොහොතක්. එක් බුදුවරයෙකු තම අභිලාශය සමුර්ධිමත් කොට මංගල චාරිකාවේ වඩිමින් අවසන් ආත්මභාවය මෙලෙස සනිටුහන් කරද්දී තවත් මතු බුදු වරයෙකු තවත් දීර්ඝ ගමනාන්තයක් සඳහා පෙරුම් පුරනවා. සුමේධ තවුසාණන්ගේ හිස පාමුළ සිටිමින් දීපංකර බුදුපියාණන් වහන්සේ මෙලෙස යලිත් ඒ සාරලක්ෂයක් වූ රහතන් වහන්සේලා ඇතුළු දෙවු බඹුන් මිනිසුන් අමතන්න වුනා. එවැනි විශාල පිරිසකට ඇසෙන සේ අමතන්න බුදුවරයෙකුට ඇරෙන්න වෙනයම් කෙනෙකුට බැහැ.

“පස්සථ ඉමං තාපසං – ජටිලං උග්ගතාපනං
අපරිමෙය්ය ඉතෝ කප්ප – බුද්ධෝ ලොකේ භවිස්සති”

යනුවෙන් මේ මා ඉදිරියෙ වන්දනමස්කාර කරමින් බිම වැතිර සිටින්නා වූ ජටාධාර මේ මහාපුරුෂයා දෙස බලන්න. මොහු මෙයින් සාරාසංඛ්ය කල්ප ලක්ෂයකින් පසුව “ගෞතම” නමින් සම්මා සම්බුදු වීමට නියමිතයි.
Read More

අපේ බුදුහාමුදුරුවෝ 15 

By බුදු දහමට සබැදි පොදු ලිපි ... No Comments

සුමේධ තවුසා පිළිබඳව ඔබ නොඇසූ කතා 12

ඒ මොහොතේ රම්ම නුවරේ දීපංකර බුදුන් ඇතුළු ලක්ෂ හතක් පමණ සංඝ පිරිසට දානය පිළිගන්වනවා. එතැන එසේ වෙමින් පවතිද්දී අප මහා බෝසතාණෝ සියල්ලන්ම නික්ම ගිය ඒ නිසල පරිසරයේ ඒ මහා මල් ගංගාව මත” මාගේ පාරමී පරික්ෂා කරමි” යයි සිතමින් පර්යංකයෙන් වැඩ සිටියා. මෙය විවරණයෙන් පසු සෑම බුදුවරයෙකු විසින්ම අනුගමණය කරනු ලැබූ ධර්මතාවක්. අහසේ සිටි දස දහසක් සක්වලින් පැමිණි දෙවි වරුන් තවමත් ප්රීති ඝෝෂා නගමින් මෙලෙස කියන්නට වුනා.

Read More

 අපේ බුදුහාමුදුරුවෝ 16 

By බුදු දහමට සබැදි පොදු ලිපි ... No Comments

💛 සුමේධ තවුසා පිළිබඳව ඔබ නොඇසූ කතා 13💛

🌷 බුද්ධ කාරක ධර්ම විමසීම සහ යලිත් දෙතිස් පෙරනිමිත පහළවීම🌷

දීපංකර බුදුරජාණන් වහන්සේගේ දෙවියන්ගේ බ්රහ්මයින්ගේ වචනයෙන් ඔද වැඩුණු අප මහා බෝසතාණන් වහන්සේ තව තවත් විර්යය වඩමින් මෙසේද සිතන්නට වුනා.

” මම ධ්යාන සම්පත්ති විෂයෙහි ප්රගුණයෙක් වෙමි. ෂඩ් අභිඥා ඥාණ විෂයෙහි පරතරට ගෙයෙහි වෙමි. දස දහසක් ලෝක ධාතුවේ බුදුසසුණේ මා සමාන තවුසෙකු නැත. සෘද්ධි බලයෙන් අසම සම වෙමි. මම බද්ධ පර්යංකයෙන් වැඩ සිටිත්ම යම් පෙර නිමිති පහල විද අදත් ඒ නිමිති දක්නට ලැබේ. ( දෙතිස් පෙර නිමිති – අපේ බුදුහාමුදුරුවෝ 09 ) පෙර බෝසත් වරුන් පළක් බැඳ සිටි අවස්ථාවල සිදු වූ මෙකි සියලු දෑ අද ද දක්නට ලැබේ. එම නිසා මම ඒකාන්තයෙන්ම බුදුබවට පත්වන්නාහුය.

Read More

විශාලා මහනුවර තුන් බිය දුරුකල අසිරිමත් රතන සූත්‍ර වර්ණනාව …

By රතන සූත්‍ර වර්ණනාව ...( About Rathana Suththa) No Comments

රතන සූත්‍රය යනු බුද්ධ ශාසනය තුල වැඩි වශයෙන්ම භාවිතයට ගන්නා අසිරිමත් සූත්‍ර දේශනාවකි.  එහි බලය අති මහත්ය. භාග්‍යවතුන් වහන්සේ විශාලා මහ නුවරදී සිදුකල මෙම දේශනය කෝටි ලක්ෂයක් සක්වලයන්ට ආඥා චක්‍රය පැතිරවූ අසිරිමත් දේශනයකි. එදා විශාලා මහනුවර වෙලාගෙන සිටි තුන්බිය දුරුකරවා මුලු නුවරම සර්ව ආරක්ෂා සිදුකල අතර ඒ දේශනය නිසාම කෝටි ගණන් සත්වයන් මාර්ග ඵල අවබෝධ කරගත්හ. එවන් අසිරිමත් දේශනයක් සිදු කිරීමට මුල් වූ හේතුව ඉතාම හරබර අයුරින් ප්‍රංශයේ වෙසෙන තුසිත රජජපක්ෂ මහතාගේ තෙලි තුඩින් රචනා වී ඇත. මින් ඇරඹෙන්නේ ඒ අසිරිමත් කථා පුවතයි…

පලමු කොටසට පිවිසීම … – https://wp.me/p4UHR6-3CO

විසාලා මහ නුවර තුන්බිය දුරුකළ රතන සූත්‍ර වර්ණනාව. 01

By රතන සූත්‍ර වර්ණනාව ...( About Rathana Suththa) No Comments

(තුසිත රාජපක්ෂ  මහතා ප්‍රංශයේ සිට ලියයි …)

🌷 මස්වැදැල්ලෙන් බිහිවුණ ලිචඡවී දරුවන් හට ඇඟිලි තුඩෙන් කිරිදුන් තාපසයා සහ විසාලා මහා නුවර ගොඩනැගුන අයුරු.. 🌷

🌼 කෙටි සදහන

අතීතයේ විසල් පුර නොහොත් වජ්ජි දේශය නොහොත් විසාලා මහ නුවර ලෙඩ රෝගත්, දැඩි ආහාර ගිගවීමත්, අමනුෂ්ය බියත් ආදී තුන් ආකාර උවදුරු ඇතිවුනා. ඒ උවදුරු දුරුකරගනු පිණිස ලීච්ඡවී රජදරුවන් රජගහ නුවරට ගොස් ආයාචනාකොට භාග්යවතුන් වහන්සේ විසාලාවට වැඩම කරවනු ලැබුවා. මෙසේ වැඩමවාගෙන ආ භාග්යවතුන් වහන්සේ ඒ උවදුරු දුරුකරනු පිණිස මෙම සුත්ර දේශනාව දේසනා කරනු ලැබුවා. එය අපි කවුරුත් දන්නා එහි කෙටි සටහනයි. එය එසේ වුනත් එහි පසුබිම් කතාව මිට වඩා බොහෝ රසවත් වගේම ත්රිවිධ රත්නය කෙරෙහි බොහෝ ශ්රද්ධාව පිහිටවන්නක්. ඒ විතරක් නෙවෙයි. ඒ සුත්ර දේශනාවේ බලවත්කම කියාපාන්නක්. අද ලොව තුල මෙම කොරෝනා වයිරසය නිසා එදා මෙන්ම තුන් බියක් ඇතිවීමේ පෙර නිමිති පහල වී තිබෙන මොහොතක බොහෝ වෙහෙර විහාරස්ථාන වල මෙම සුත්ර දේශණාව සජ්ජායනා කිරීමට පටන් ගෙන තිබෙනවා. එම නිසා මෙම ලිපි පෙළ ඔබ සැමට එහි ගාම්භීර භාවයද බලවත් භාවයද අවබෝධ කොටගෙන ත්රිවිධ රත්නය කෙරෙහි අසීමිත ගෞරවයෙන් සජ්ජායනා කොට ලෝකයටම සෙත් පැතිය හැකි ආකාරයට සකසනු ලබනවා.
සාදු සාදු සාදු මෙම වසංගත රෝගය මෙම සුත්ර දේශනාවේ අනුහසින් නිම වේවා !!!!

Read More

විසාලා මහ නුවර තුන්බිය දුරුකළ රතන සූත්‍ර වර්ණනාව. 02

By රතන සූත්‍ර වර්ණනාව ...( About Rathana Suththa) No Comments

තුසිත රාජපක්ෂ  මහතා – ප්රංශයේ සිට ලියයි …

🌷 සුරලොවක් වූ විසාලා මහ නුවර ප්රේත භවනක් බවට පත්වීම. 🌷

🌻 සුරලොවක් වූ විසාලා මහා නුවර

මේ විසාල නුවර අප භාග්යවතුන් වහන්සේ ලොව පහළ වුණායින් පස්සේ මහත් යසඉසුරින් සපිරුණ. එහි රජවරුම හත්දහස් හත්සිය දෙනෙක් රජකම් කළා. එසේම යුවරජවරු, සේනාපතිවරු, භාණ්ඩාගාරික තනතුර දරන්නෝ ද ඊට සාපේක්ෂව සිටියා. ‘ඒ කාලයෙහි විසාලාව යසඉසුරින් පිරුණු බොහෝ ජනගහණයෙන් යුතු නිති මිනිසුන් ගැවසෙන ආහාර සුලබ වූ හත්දහස් හත්සිය සතක් පහයෙන්ද එපමණක්ම වූ කුළුගෙවලින්ද මල්පලතුරු උයන්වලින්ද එපමණ පොකුණුවලින්ද යුතු කිසියම් කෙනෙකෙට යටත් කල නොහැකි මහා විශාල රාජධානියක් ලෙස වැජඹුනා.

Read More

error: Content is protected by www.ifbcnet.org.