Skip to main content
Monthly Archives

January 2016

අහස් ග‍ගේ සදා පිපී නැළ‍වෙන රන් සිරිපා පියුම නමදිමු … ( ගායනය ‍- මොහිදින් ‍බෙග්)

By අසිරිමත් ශ්‍රීපාදය ... ( Adam's Peak (Sri Pada), Sri Lanka ) No Comments

ලංකා මාතාවට තිලකයක් හා සමාන වූ සමන්ත කූට රාජයා‍ගේ ශීර්ෂය මත පිහිටියාවූ අහස්ග‍ගේ සදා පපී නැළ‍වෙන රන් සිරිපා පියුම නමදින්නට ඔබත් ‍මෙවර සිරිපා කරුණා කරන්න. ඔ‍බේ සි‍තේ ශ්‍රද්ධාව ඇතිකරනු පිණිස අප නිර්මාණව්‍ය කල  වීඩි‍යෝ පටය නරඹන්න

සිරිපාද හි‍මේ …

සිරිපාද හිමේ දෙයියන්ගෙ රටේ
මේ ශාන්ත උ‍දේ සූර්යෝදේ
මනහර කඳු‍පෙළ ශාන්තී දේ නවෝදේ

මිහිදුම් සේ‍ලේ ඉරාලා – ආශාවේ සිනහා පාලා
මිහිලිය ගේ නාරි දේහේ – ඉම්බා තුරුල් වීලා
ගංගා ඇළ දොළ වන මල් තුරුලිය
වඳින්නෙ මේ සිරිපාදේ
සැදැහැතියෝ දෙති සාදු සාදු නාදේ

සිංහලයේ කීර්ති රඳනා – රන් සමනළ රක්ෂා කරනා
සෙන්පති මුල වාගේ පෙනෙනා – පූජනීය සීත හිමයේ
දෑල සමනළ උඩ දිය පර වැල්
බඹර විලේ මහ කන්දේ
ඔද තෙද මත සිත රාජ බැම්ම වාගේ

පබැඳුම – කරුනාරත්න අබේ‍සේකර
ගැයුම – මොහිදීන් බෙග්
රූපමය ‍පෙළ ගැස්ම – ‍බෞද්ධ සන්නි‍වේදනය සදහා වූ ජාත්‍යන්තර පදනම ‍වෙනු‍වෙන් එරන්ද ලක්මාල් …

 

සුද්දන් දුටු ශ‍්‍රි පාදය ….

By අසිරිමත් ශ්‍රීපාදය ... ( Adam's Peak (Sri Pada), Sri Lanka ) No Comments

රොබට් නොක්ස් කියන්නේ කන්ද උඩරට මහනුවර නගරයට දකුණු දෙසින් සිංහලයන් කියන පරිදි ලංකාවේ උස්ම කන්ද පිහිටා ඇති බවය. එයට ඔවුන් කියන්නේ හිමපොල යනුවෙනි. පෘතුගීසින් හා වෙනත් යුරෝපීයන් එයට ඇඩම්ස් පීක් නොහොත් ආදම්ගේ කන්ද යනුවෙන් භාවිත කරයි. මෙම කන්ද සීනි ගොඩක්  ගොඩ ගැසුවා වැනිය. එහි මුදුන සමතලා ගල් තලාවකි. එහි මිනිසකුගේ  පා සටහනක් වැනි ලාංඡනයක් ඇත.  නමුත් එය මිනිසකුගේ පා සටහනට වඩා විශාල දිග අඩි දෙකක් පමණ සලකුණකි.

සිංහලයෝ ඔවුන්ගේ දරු පවුල් පිටින්ම ගොස් මෙම ලාංඡනය වැඳ ගනිති. එය සාමාන්‍යයෙන් ආරම්භ වන්නේ සිංහල අවුරුද්දට පෙර මාර්තු මාසයේ පමණය. මෙම කඳු මුදුනින් ගංඟා කීපයක් ආරම්භ වී දකුණ හා බස්නාහිර පැති වලට ගලා බසී. ඒ අතර උතුරට ගලා බසින මහවැලි ගඟ ප‍්‍රධානය. බුද්ධා පොළොව මතුපිටින් අතුරුදහන්ව මෙම කඳු මුදුනෙහි පා තබා ඇති බවට සිංහලයෝ විශ්වාස කරති. ඔවුහු තෙල් මල් පහන් සඳුන් කූරු කපුරු ආදිය ගෙන කඳු මුදුනට නැග පූජා පවත්වයි. මෙම පඬුරු ආදිය එකතු කර ගැනීමට පෙර සිටි රජකු මුවර් මිනිසුන්ට අවසර දී ඇතැයි කියමින් විශාල මුවර්වරු සංඛ්‍යාවක් මග දෙපස පෙළ ගැසී මෙම පූජා භාණ්ඩ පඬුරු ආදිය එකතු කර ගනී. වර්ෂ 1818 කාලවකවානුවේදී මෙහි විසූ දොස්තර ඬේව් කියන්නේ මෙම කන්ද තරණය කළ පළමු යුරෝපීය ජාතිකයා වූ ලූතිනන් මැල්කට් මැණ ඇති පරිදි මෙම කඳු මුදුනත අඩි 74 දිග අඩි 24 පළල බවය. එය අඩි පහක් පමණ උස ගල් වැටකින් කොටුකර බැඳ ඇත. කඳු සිරස පොළොවෙන් අඩි පහක් අඩි අටක් අතර උස ඇති තැනකි.

Read More

සිරිපා අඩවි‍යේ හාස්කම් ගැන කිය‍වෙන තවත් එක් සත්‍ය කථාවක් …

By අසිරිමත් ශ්‍රීපාදය ... ( Adam's Peak (Sri Pada), Sri Lanka ) No Comments

සමනල අඩවිය හෙවත් ‘‘හිමේ’’ හා බැදුනු කතා අපමණය. මේවා අතර සිරිපා අඩවියේ යාබද ගම්වල වැසියන්ගේ ජීවිත හා බැදුනු ඒවා ද තිබේ. ඊට අමතරව සිරිපා වන්දනාවේ යන්නට ආ බැතිමතුන් මුහුණ දුන් ඒවාද තිබේ.

සමන් දෙවිදුන්ගේ අඩවියේ හාස්කම් අනූනය. නමුදු මේ අඩවියට පිටතින් එන කටකාර තරුණ සහ වැඩිහිටියන් ඇතැම් අවස්ථාවල මේ හාස්කම් ගැන කතාකරන විට හාස්‍යයෙන් ඒ දෙස බලයි. ඇතැමුන් ඒවා විශ්වාස නොකරති. එවැනි අවස්ථාවල ඊට දඩුවම් විදි අවස්ථාද ඇති බව ගම්මුන්ගේ කතා අතර තිබේ.

සිරිපා අඩවියේ ආශ්චර්යයන් ගැන කතා ඇත්තේ පැරැණ්නන් තුළය. එදා සිරිපා අඩවියට හෝ සිරිපා මළුවට කෙනෙක් යන්නට සිතුනොත් එය ආවාට ගියාට නොකරයි. ඇතැම් අවස්ථාවල පේවීම හෝ පිරිසිදුවීමකින් තොරව මේ භූමියට පිවිසිය යුතු නැති බව පැරැන්නෝ විශ්වාස කළහ.

එයට හේතුව සිරිපා අඩවිය හෙවත් ‘‘සමනල අඩවිය’’ ඔවුන්ට ‘‘ශුද්ධ භූමියක්’’ වූ නිසාය. මේ ශූද්ධ භූමියට වන්දනාවේ ගිය බැතිමතුන් අතරින් වගේම අවට ගම් වලින් කුරුදු, වල් එනසාල්, දුම්මල, හම්බුලූ හතු, අගුරු හතු, ඉදලෝලූ, ලේනපලා, කටුඅල, ගෝනල, කිරිතල, බෙරලිය, තිත්තඇට, හල්, දොරණතෙල් (විහාරවල චිත‍්‍ර කර්මාන්තය ස`දහා අවශ්‍ය වේ) සොයා යන ගම්වැසියන්ද ඉදහිට මේ ‘‘ශුද්ධ භූමියේ’’ ඇති හාස්කම් අත් වින්දෝ ද තවමත් ජීවතුන් අතර සිටිති.

Read More

සිරිපා අඩවියේ නෑසූ කතා …

By අසිරිමත් ශ්‍රීපාදය ... ( Adam's Peak (Sri Pada), Sri Lanka ) No Comments

සමනල අඩවිය වූ කළී මිනිස් වාසයෙන් තොර කදු ශිඛරවලින් හෙබි මහ වනයකි. සමනල අඩවිය පාමුල පිහිටි ගම්වල වැසියෝ මේ අඩවියට ‘‘හිමේ’’ යැයි කියති. අනුහස්, හාස්කම් මෙන්ම අදෘශ්‍යමාන බලවේග බලගතුව ඇති ගුප්ත ප‍්‍රදේශයක් ලෙස පැරැණ්නෝ මේ අඩවිය හදුන්වති.

අද මෙන් එළිපෙහෙළි නොවූ රූස්ස ගස්වලින් සෙවන ලැබූ අතීත සමනල අඩවියේ මහපොළොවට අව්වක් වැටුණා නම් ඒ මහ ගල්තලාවක්ය. එසේත් නැත්නම් ගස් කොළන් නොවැඩෙන දියසීරාව ඇති බිම්කඩක්ය.

සමනල අඩවියේ සිරිපා කන්ද පිහිටා ඇති අතර සිරිපා කරුණා කරන්නට මෙන්ම වෙනත් විවිධ අවශ්‍යතාවලට සමනල අඩවියට පිවිසීමට අතීත වැසියෝ පුරුදුව සිටියහ. එදා රත්නපුර, කෑගල්ල, නුවරඑළිය, බදුල්ල යන දිස්ති‍්‍රක්වලට මායිම් කියූ සමනල අඩවිය අද වන විට කෙට්ටුවී ඇති බව පෙනේ. ඒ මිනිස් ක‍්‍රියාකාරකම් නිසාය.

සමනල අඩවියට මායිම් වූ මාලිබොඩ ගම්මානය පිහිටා තිබෙන්නේ කෑගල්ල දිස්ත‍්‍රික්කයේය. එය දැරණියගල ප‍්‍රාදේශීය ලේකම් කොට්ඨාසයට අයත් ගමකි. අද වන විට තේ ආර්ථිකයත් සමග මාලිබොඩ ගම්මානය නවීකරණයවී ඇතත් අතීතයේ දී සිංහල ගැමිකම හො`දින් විද්‍යමානවූ ගමකි. උඩමාලිබොඩ වූ කලී සමනල අඩවියේ මායිමකි.

මේ නිසාම මේ ගම්මානයේ වැසියන්ගේ උවමනා එපාකම් වැඩිපුර එදා පිරිමැහුනේ සමනල අඩවියෙනි. උපතින්ම බෞද්ධයන්වූ මේ ගම්වල වැසියෝ ආගම දහමට වඩාත් නැඹුරුවූ පිරිසක් වූහ. දෙවියන් මෙන්ම යකුන්ද, පේ‍්‍රතයන්ද, භූතයන්ද කෙරෙහි වූ විශ්වාසය වඩාත් වැඩිවිය.

Read More

අඳුන්ගිරි පර්වතය පයින් මඩ කර වී වැපිරූ පත්තිනි දේවිය

By අප අදහන අ‍පේ ‍දෙවිවරු ... ( Our Gods ) No Comments

සිංහල බෞද්ධ සමාජය තුළ මුල් බැස ගත් එක්‌ දෙයක්‌ තමා දේව විශ්වාසය. දෙවියන්ට පුද පූජා කරලා දෙවියන්ගෙන් පිහිටක්‌ ලබා ගන්නා අය බොහොමයි. ලංකාවට බුද්ධාගම එන්නත් කලින් මේ දේව විශ්වාසය තිබුණා. බුදුහාමුදුරුවන්ගෙනුත් ඒ කාලෙ සමහරුන් අහල තිබුණා දෙවියන් පිළිබඳව එක එක ප්‍රශ්න. අද වුණත් පිරිත් දේශනා කරන කොට දේවාරාධනාවක්‌ කෙරෙනවා. ඒ වගේම දෙවියන්ට පින්දීමත් අපේ අනිවාර්ය අංගයක්‌. දෙවියන් පිළිබඳ නොයෙක්‌ ජනප්‍රවාද ග්‍රීසිය, රෝමය විතරක්‌ නොවෙයි ජර්මනිය, රුසියාව, වැනි රටවලත් හම්බු වෙනවා. සෘග්වේදයෙත් හුඟාක්‌ දේවකතා තියෙනවා.

අපේ පැරැණිම ජනතාව සොබා දහමට, හිරුට සඳුට, මිහිකතට දේවත්වයෙන් සලකලා තියෙනවා. ඉන්දියාවෙ දෙවියන්ට යාග පවත්වලත් තියෙනවා. වස්‌තුව, රත්තරන් මැණික්‌ එහෙමත් පූජා කරල තියෙනවා. බුදුහාමුදුරුවො මේ යාග හෝම නිෂ්ඵල දෙයක්‌ බව ප්‍රසිද්ධියේම පෙන්වා දීල තිබුණත් ඒවයින් ජනතාව ඉවත් වුණේම නැහැ. අදටත් බෞද්ධ දෙවියන් ලෙස අපි පිළිගන්නා දෙවිවරුන් ඉන්නවා. මහාසුමන දෙවියන් බුදුහාමුදුරුවො ලංකාවට වැඩම කළ වෙලාවෙ බණ අහල උන්වහන්සේගෙන් කේශධාතු මිටක්‌ ඉල්ලගෙන මහියංගණ සෑයේ තැන්පත් කරපු විස්‌තරය මහාවංශයේ එනවා. ලංකාවට ගොඩ බැහැපු විජය කුමාරයාට උපුල්වන් දෙවියන් ආරක්‍ෂාව දුන්න බවත් කියනවා. කතරගම දෙවියන් ගැනත් නොයෙක්‌ ප්‍රවාද තියෙනවා. ශ්‍රී මහා බෝධීන් වහන්සේගෙන් හටගත් අෂ්ඨඵල බෝධීන්ගෙන් එකක්‌ කතරගම රෝපණය කරලා තියනවා. දුටුගැමුණු රජතුමා එළාර සමග සටන් වැදිලා ජයග්‍රහණය ලබාගෙන කතරගමට බාරයක්‌ ඔප්පු කිරීමක්‌ විදිහට කතරගම දේවාලය හදලා දුන්න බවත් කියෑවෙනවා.

Read More

සම්බුදු සසුන රකිනා සුමන සමන් දෙවියෝ …

By අප අදහන අ‍පේ ‍දෙවිවරු ... ( Our Gods ) One Comment

සිංහල බෞද්ධ ජනතාවගේ අප්‍රමාණ ගෞරවයට, වන්දනාවට පාත්‍ර වුනු දෙවි කෙනෙක්‌ විදිහට සුමන සමන් දෙවියන්ව හඳුන්වන්ට පුළුවන්. සමන් දෙවියන්ගේ පිහිටෙන් සිරිපාදෙ කරුණකරන සිංහල බෞද්ධයයා ඒ වන්දනා ගමනෙ හුඟාක්‌ තැන්වලදී සමන් දෙවියන්ගේ ගුණ වර්ණනා ක‍රනවා, පිහිට අයෑදිනවා. බුද්ධං සරණේ සිරස දරා ගෙන සිරිපාද කඳු මුදුනට හෙමින් සැරේ¨ ළං වෙන වන්දනාකාරයෝ ඒ ගමන් වෙහෙස නිමා ගන්නේ බුදු ගුණ කියලා. බුදු ගුණ කියන ගමන්ම ඒ සිරිපතුල කඳු මුදුනෙ කියන්ට කියලා ආරාධනා කරපු සමන් දෙවියනුත් මතක්‌ කරනවා.

සාසන බාරවූ විෂ්ණු දෙවියනේ
මේ හිම බාරවූ සමන් දෙවියනේ
දොසක්‌ තිබුණ මුත් දුරලා හරිනේ
වඳින්ට යන්නට අවසර ලැබෙනේ

මෙම් කවිය එන්නේ පුරාණ හිමගත වරුණ කියන පොතේ. මෙයින් කියෑවෙන විදිහට අපේ බුදු සසුන බාර වෙලා තියෙන්නේ විෂ්ණු දෙවියන් ගෙයි මේ හිම බාර වෙලා තියෙන සමන් දෙවියන්ගෙයි අවසරය, උදව් උපකාර නැතුව මේ නර පණුවන්ට ඒ ගමන යන්ට පුළුවනෑ. දෙවියන්ගෙ අඩවියකට යන ගමන බොහොම ගරු සරු ඇතිව වරම් ලබාගෙන යන්ටත් එපායෑ.

Read More

අවාරයේ සිරිපතුල වඳින්නට එන සුදු ඇතා කවුද?

By අසිරිමත් ශ්‍රීපාදය ... ( Adam's Peak (Sri Pada), Sri Lanka ) No Comments

බෞද්ධ සාහිත්‍යයේ හා බුද්ධ චරිතයේ පූජනීයත්වය පාරිශුද්ධත්වය සංකේතවත් කරමින් සුදු ඇතා ගැන බොහෝ විට කියවෙයි. පෙරපින් මහිමය හෝ දෙවියන් දීම නිසා ඇලි – හැලි හෙවත් සුදු ඇතුන් ලැබෙන බව විශ්වාසයයි. විද්‍යාත්මකව සුදු වර්ණය ලැබිම ඉංග්‍රීසියෙන් ඇල්බිනෝ හෙවත් ඇල විකෘතිය ලෙස දැක්වෙයි. සුදු ඇතා අනිත් ඇතුන්ට වඩා පිංවත්, වැඩි සැලකිලි ලබන, නුවණ ඇති, උසස් ගති පැවතුම් ඇති, ලෙස පිළිගැනෙයි. සුදු ඇතෙකු ලැබිම ඉතා කලාතුරකින් සිදුවන නිසා එවැනි දුර්ලභ ඇතුන් රාජකීය හෙවත් මංගල ඇතුන් ලෙස සලකන ලදී. සුදු පාට මංගල වර්ණයකි. ජන ප්‍රවාදයට අනුව ශ්‍රීිපාදයට අධිපති සමන් දෙවිඳුගේ වාහනය සුදු ඇතෙකි. සමන් දෙවි ගැන කියවෙන කවි ‍පොත්වල ශ්‍රීපාද අඩවියේ ඇලි ඇතා ගැන කියවෙයි. අවාරයේ උඩ මළුවට පැමිණ සිරිපතුල නමදින බව විශ්වාසයයි. හතර කෝරළේ අලුත්නුවර දෙවියන්ගේ වාහනයද සුදු ඇතෙකි.
බෞද්ධ සාහිත්‍යය අනුව ශක්‍ර දෙවිඳුගේ ඓරාවන ඇතා සුදු ඇතෙකි. ඓරාවන ධවල හස්තියෙකු බව සාහිත්‍ය ග්‍රන්ථවල එයි. ධවල හෙවත් ඇලි ඇතා මෙන්ම මුළුමනින්ම කාල වර්ණ ඇතාද ඉතා දුර්ලභ වටිනා සතෙකු වෙයි. බෝසතුන් මව්කුස පිළිසිඳ ගත් දින මහමායා බිසව දුටු සිහිනය අනුව ඇය අනෝතප්ත විල්තෙරට ගෙන ගොස් දෙවඟනන් විසින් නාවා පිරිසිදු කොට සරසන ලදුව කුස තුළට සුදු ඇත් පැටවකු පිවිසෙනු සිහිනෙන් දුටු බව පැවසේ. බුද්ධ චරිතය විස්තර කරන සංස්කෘත ලලිත විස්තරයේ මේ සිද්ධිය ඉතා චමත්කාරව වර්ණනා කරයි. මෙහි සුදු ඇතා ලෙස සංකේතවත් වූයේ මව්කුස පිළිසිඳ ගැනීමයි. බෝසතුන් බිහිවූ දින පන් සියක් සුදු ඇතුන් කපිලවස්තු නුවර වටා ප්‍රදක්ෂිණා කළ බව මහායාන බෞද්ධ ග්‍රන්ථවල එයි.

Read More

කදිර පුර සිට හෙළ දැය සුරකින කතරගම දෙවියෝ …

By අප අදහන අ‍පේ ‍දෙවිවරු ... ( Our Gods ) No Comments

තානු තරුණ අරුණ කිරණ බරණින් යස         තේජනේ
බානු අසුර අසුරන් යුද ඔද වැඩි ගිරි                    රාජනේ
මූණු සයකි අත් දෙළසකි මයුරා පිට                   වාහනේ
රූණු රටේ පිහිටි කන්ද කදීර දේව                     රාජනේ                   

සුබ සිද්ධිය යහපත ප්‍රසන්න බවින් සියළු දනන්හට සුබ පල ගෙනෙන කතරගම දෙවියෝ ලොව සුපතල දෙවිකෙනෙකි. කතරගම වාසභවන කරගෙන වැඩ වෙසෙන දෙවියන්ගේ ස්වරූපය අති ශෝභමාන බවත් කතරගම දෙවියෝ දේහ විලාශය හා දරනු ලබන ආයුධාදිය අතින් ද වෙනත් බොහෝ දෙවිවරුන්ට ආරෝපනය නොවුණු තේජසක්‌ හා ආශ්චර්යයක්‌ මතු කොට දක්‌වයි. කඳ සුරිඳුන්ට මුහුණු සයකි. අත් දොළසකි. සිරුර රන්වන්ය. ස්වර්ණ මයුර (මොණරා) වාහනයද‌,   කෙටේරියක්‌, දුන්නක්‌, හීයක්‌, පළිහක්‌, පොතක්‌, කඩුවක්‌, අඬකුසයක්‌, මුගුරක්‌, සැවුල් ධජයක්‌, සංඛයක්‌, තෝමරයක්‌ යන අවි දොළසක්‌ අත් දොළොස සමග රක්ත වර්ණ ශක්තීන් සමග  කීර්තිය බලය සමග සැමට පිහිට වන බව ජනප්‍රවාදයේ සදහන් වෙයි.      සිංහල ජනතාව අතර “කතරගම දෙවියන්” “කදිර සුරිදු”  යන නමින් ද හින්දු ජනතාව අතර  ස්කන්ධ, කුමාර, , මුරුගන්, වේලන් ආදි නමින් හඳුන්වන හින්දු මේ දෙවියෙක් වෙති. මුරුගන් දෙවියන්ගේ ආයුධය – වේලායුධය වේලන්ගේ ආයුධය නොහොත් වේලායුධය යනු ගිනි දළුවක හැඩයකින් යුතු තලයකින් සමන්විත හෙල්ලයකි.  එය ස්කන්ධගේ පූජනීය සංකේතය බවට පත්ව ඇත. අදටත් වේල් යන නමින් ‍ද්‍රවිඩ ජාතිකයන් ඇදහීමට භාජනය කරන මෙය වේලන් නොහොත් කතරගම දෙවියන්ට තම මෑණියන් වන පාර්වතී විසින් තම බලය පුතුට ලබා දීමක් ලෙස සුරපද්මන් සමඟ යුද්ධයේදී භාවිතා කිරීමට ලබාදුන් බවත් ‍විශ්වාස කෙරේ. එසේම මුරුගන් ශක්තිමත් තරුණයෙකු බවට පත්වූ කළ දේවයෝ ඔහු තම නායකයා ලෙසින් පිළිගත් බවත් ඔහු දේවයන්ගෙන් ලක්‍ෂයක් පිරිස තෝරාගෙන නිලධාරීන් අට දෙනෙකු යටතේ යුධ සේනාවක් සංවිධානය කොට ඔවුන් ‛වේලායුධ ’ වලින් සන්නද්ධ කළ බවත් සඳහන් වේ. “මුරුගන්” යන නමින් ද අද වනවිට ඉතාම ජනප්‍රිය දේව විශ්වාසය ඈත අතීතයේ සිටම පැවතී තිබේ.

Read More

බුදු සසුන සුරකින බවට විශ්වාස කෙරෙන ශ්‍රී විෂ්ණු දෙවියෝ …

By අප අදහන අ‍පේ ‍දෙවිවරු ... ( Our Gods ) No Comments

විෂ්ණු දේව විශ්වාසය වෛදික යුගය දක්‌වා ඈතට දිව යන්නකි. සෘග්වේද යුගයෙහි සූර්ය පාක්‍ෂික දේවතාවකු ලෙස නැතහොත් සූර්ය දේවතාවගේ ම ප්‍රභවයක්‌ ලෙස සැලකුණු විෂ්ණු දෙවියෝ හින්දු සමයෙහි පසු භාගයේදී දෙවියන් අතර අග්‍ර දේවතාවකු බවට පැමිණියහ.

පසුකාලීන බ්‍රාහ්මණ සමයේ දී විෂ්ණු දෙවියන් කොතරම් අධිපති තත්ත්වයකට පත් වී ද යත් දෙවියන් ඇතුළු ලෝකයාගේ ආරක්‍ෂකයා බවට පවා පත් වීය. මෙකල බිහි වූ බ්‍රහ්ම විෂ්ණු මහේස්‌වර යන ත්‍රීමූර්ති සංකල්පයෙනුත් විෂ්ණු දෙවිඳුට හිමි වුයේ ලෝකාරක්‌ෂතාවයි. සර්වං ජනාත්මයං විෂ්ණු යනුවෙන් මුළු ලෝකය විෂ්ණුට යෑයි දැක්‌වෙන තරමට ම එම අවදියෙහි විෂ්ණු දෙවියන්ට මුල් තැන ලැබිණි. වරක්‌ දුර්වාසස්‌ සෘෂිවරයාගේ සාපයක්‌ නිසා සූරයන්ගේ සතුරන් වූ අසුරයන් බලවත් ව සූරයෝ පිරිහෙන්නට වූහ. සියලු හින්දු භක්‌තිකයෝ එක්‌ව ලෝකාරක්‍ෂක විෂ්ණු දෙවියන් වෙත ගොස්‌ යාඥා කළහ. මහාමේරු පර්වතය දණ්‌ඩ ලෙසත් වාසුකී (අනන්ත) නාගරාජයා රැහැන ලෙසත් කිරිසයුර කළඹන්නැයිද එවිට පැන නැගෙන අමෘතය පානය කිරීමෙන් සුරයන්ට අසුරයන් පරාජය කිරීමට හැකි වන්නේ යෑයි ද විෂ්ණු දෙවිඳු උපදෙස්‌ දුන්හ යි විෂ්ණු පුරාණයෙහි සඳහන් වේ.

Read More

සතට සෙත සදන ලොවට මෙත වඩන අපේ නාථ දෙවියෝ ( Lord Natha )

By අප අදහන අ‍පේ ‍දෙවිවරු ... ( Our Gods ) One Comment

‍බෞද්ධ පින්වතුන්ට ‍මෙන්ම හින්දු බැතිමතුන්ගේ අප්‍රමාණ ගෞරවයට, පූජාවට පාත්‍ර වුණු ප්‍රධාන දෙවිවරුන් හතර දෙනෙක්‌ ගැන සඳහන් වෙනවා. ඒ තමා ධ්‍රතරාෂ්ට්‍ර, විරූඪ, විරූපාක්‍ෂ හා වෛශ්‍රවණ දෙවිවරු. ඔවුන් දිසාවන් හතරක්‌ බාරව සිටින බලසම්පන්නම දෙවිවරුන් විදියට හින්දුන් විශ්වාස කරනවා. සිංහල බෞද්ධයන්ටත් ඒ විදිහටම දේවාල හතරකට අධිපති දෙවිවරුන් හතර දෙනෙක්‌ ඉන්නව. ඒ තමා නාථ, විෂ්ණු, කතරගම, පත්තිනි කියන දෙවිවරු. නාමල් කුමාර කවිවල එන විදිහට නම් නාථ දෙවියන්ට තමා උතුරු දිග භාර වෙලා තියෙන්නේ.

උතුරු දිගට ගිය පලුකම් ඉත්තේ
කාටද දලුමුර දෙන්ඩ පැවැත්තේ
නාථ දෙවිඳු හට දෙන්ට පැවැත්තේ
නාථ දෙවිදුගෙන් අවසර ගත්තේ

මේ කියන නාථ දෙවියන්ගෙ තෙද බල මහනුවර රාජධානි කාලෙදි කැපී පෙනුණ බව සමාජ විද්‍යාඥයොත් තහවුරු කරනවා. විෂ්ණු, කතරගම කියන දෙවිවරුන් හින්දු බැතිමතුන්ගෙන් විශේෂ පූජාවට ලක්‌ වෙනවනෙ. ඒ විදිහටම හින්දු ආගමේ නාථ දෙවියන් ගැනත් විවිධ විශ්වාස තියෙනවා. අවලෝකිතේශ්වර නාථ කියල තමා හින්දුන් මේ දෙවියන් හඳුන්වන්නෙ. විෂ්ණු දෙවියන්ට වගෙම එක එක වෙස්‌ අරගෙන තමයි මේ අවලෝකිතේශ්වර දෙවියනුත් ජනතාවට පිහිට වෙන්නෙ. ජපානය, චීනය වගේ රටවල මේ නමින්ම දෙවඟනක්‌ ඉන්න බව කියනවා.

Read More

error: Content is protected by www.ifbcnet.org.