ක්රි.ව. 618 සිට 907 දක්වා වූ ටෑං රාජ්ය වංශික සමය චීන ඉතිහාසයේ දීප්තිමත්ම කාල පරිච්ඡේදයකි. එවකට ප්රධාන නගරයේ අති දක්ෂ චිත්ර ශිල්පියෙක් විය. පෑන් කුවෝ (P’an kuo) නමැති මෙම චිත්ර ශිල්පියාගේ දක්ෂතා නිසාම ඔහු ඉතාම ලාබාල කාලයේදී රජයේ තනතුරකට පත්කරනු ලැබුවේය. ඕනෑම දෙයක් වහා අවබෝධ කරගැනීමේ ශක්තියක් තිබුණ ඔහුට එම ආයතනයේ විශාල හිතවතුන් පිරිසක්ද වූහ.
ඔවුන්ගේ කණ්ඩායමට එක් දිනක් සුසාන භූමියක් සමීපයේ රාජකාරියේ යෙදීමට සිදුවිය. සොහොන් කොත් අතර එළු එෙඬ්රකුගේ රංචුවෙන් මගහැරී සිටින එක් එළුවකු ඔවුන්ට දැකගත හැකිවිය. එළුවා ස්වාධීනව නිදැල්ලේ තණකමින් ඔබ මොබ සැරිසරනු දුටු පිරිස එළුවා වටකර අල්වාගෙන තමාගේ නිවාසය දෙසට දක්කාගෙන ගියහ. එසේ යනවිට එළුවා තම පුරුදු හඬ නැගුවේය. මේ හඬ අසා එළු එඬේරා එළුවා සොයා එතියි බියපත් වූ පෑන් කූවෝ එළුවා වෙතට පැන දිව ඇද මුලින්ම ගලවා ගත්තේය. ඔහුගේ මේ ක්ෂණික දක්ෂතාවය ගැන මහත් ආඩම්බරයෙන් උදන් ඇනුවේය. Read More