Eranda, Author at IFBC Organization | Dhamma - Page 3 of 189

ශික්ෂාකාමීන් අතර අග්‍රස්ථානය ලද රාහුල මහරහතන් වහන්සේ …

Posted by | පරම පූජණීය අසූ මහා ශ්‍රාවකයයන් වහන්සේ ... ( asu maha srawakayo ...) | No Comments

මුන් වහන්සේ වනාහි ත්‍රිවිධ ශ්‍රී ශික්ෂාවන් කැමැති වන්නා වූ අතිශයින් ප්‍රිය කොට හික්මෙන්නා වූ භික්ෂූන් අතර අග්‍රස්ථානය ලැබූ සේක. උන් වහන්සේ පැවිදි වූ දා පටන් දිනපතා උදේ උදෑසන වැලි දෝතක් ගෙන මෙහි ඇති වැලි ප්‍රමාණයට මට අද බුදුරජාණන් වහන්සේගෙන් ද ආචාර්ය උපාධ්‍ය තෙරුන්ගෙන් ද අවවාද ලැබේවායි ප්‍රාර්ථනා කරන සේක් ඒ නිසාම ශික්ෂාකාමින් අතරෙහි අග්‍රයයි දක්වන්නාහ. රාහුල මහරහතන් වහන්සේගේ පූර්වාපර චරිත චරිතාපදානය මෙසේ දක්වනු ලැබේ
රාහුල තෙරුන් වහන්සේ මෙයින් කල්ප ලක්ෂයකට පෙර බුදු වූ පදුමුත්තර නම් බුදුරජාණන් වහන්සේගේ කාලයෙහි හංසවතී නුවර ගොවි මහාසාල කුලයක ඉපිද තම මුතුන් මුතුන් මිත්තන්ගෙන් ලැබී ඇති මහා ධන රාශිය පරලොව යහපත වෙනුවෙන් වාසල් දොරටුව සිට දුගී මගී යාචකයන්ට දුන්හ. හෙතෙම දිනක් මුව සෝදනු පිණිස ගම්න් පිටතට ගිය කල්හි එක්තරා ඉර්ධිමත් තාපස දෙදෙනකු අහසින් එහි පැමිණ සිටිනු දැක එයින් එක් තාපස කෙනෙකුට ආරාධනා කොට නිතිපතා දන් දුන්නේය.

Read More

ශ්‍රද්ධාවෙන් පැවිදි වූ භික්ෂූන් අතර අග්‍රස්ථානය දැරූ රට්ඨපාල මහරහතන් වහන්සේගේ …

Posted by | පරම පූජණීය අසූ මහා ශ්‍රාවකයයන් වහන්සේ ... ( asu maha srawakayo ...) | No Comments

මීට කල්ප ලක්‍ෂයකට පෙර පදුමුත්තර ලෝකනායකයාණන් වහන්සේ ලෝ සතුන් සසර දුකින් එතෙර කිරීම සඳහා දම් දෙසන සමයෙහි රට්ඨපාල මහරහතන් වහන්සේ මහාසාර කුලයක ඉපිද, වැඩිවියට පත් වූ කල්හි දෙමාපියන්ගේ අභාවයෙන් පසුව මහත් ධනස්කන්දයකට හිමිකම් කියන්නට විය. දිනක් මේ කුල පුත්‍රයා තමාට පිය උරුමයෙන් හිමි වූ අපරිමිත ධනය පිළිබඳ මෙසේ සිතීය. මාගේ දෙමාපියන් මෙතරම් වු ධනයක් රැස්කොට කිසිවක් නොගෙන පරලොව ගියහ. එබැවින් මා විසින් මේ සියලු ධනයන් පරලොව ගෙන යා යුතුයැ’යි කල්පනා කොට මේ ධනස්කන්ධය පරලොව ගෙන යා හැකි එකම මඟ දන්දීම යැයි නුවණින් දැන එතැන් සිට දුගී මගී යාචකාදීන්ට මහ දන් දෙන්නට වූයේය.

දිනක් තම යහළුවකු සමඟ දිය නෑම සඳහා යමින් සිටිය දී සෘද්ධිමත් තාපසයෙකු දැක උන්වහන්සේ කෙරෙහි පැහැදී, එම තාපසතුමා නිතිපතා තම නිවසට වැඩමවා දනින් පැනින් උපස්ථාන කරන්නට විය. එසේ නිතිපතා දනට වඩින තාපසතුමා දන් වළදා අවසානයේ පින් දෙමින් ‘ සක් දෙවි රජුට මෙන් ඔබට සම්පත් ලැබේවා’ යි ප්‍රාර්ථනා කරන්නේය. මෙයින් සක්දෙව් සම්පත්තිය පිළිබඳ සිත් අලවාගත් මෙතුමා දිවි අවසානයේ එයින් චුතව දෙව්ලොව සක්දෙවි රජව ඉපිද ඇත.

Read More

ස්ත්‍රී චායාවක් පසුපසින් පැමිණි කුණ්ඩධාන මහ රහතන් වහන්සේ …

Posted by | පරම පූජණීය අසූ මහා ශ්‍රාවකයයන් වහන්සේ ... ( asu maha srawakayo ...) | No Comments

අප බුදුරජාණන් වහන්සේගේ ශාසනයෙහි පැවිදිව සසුන් පිළිවෙත් පිරූ කුණ්ඩදාන නම් භික්ෂුවක් වාසය කළහ. උන්වහන්සේ පැවිදි වු දින සිට එක්තරා ස්ත්‍රියක් උන්වහන්සේ පසු පස හැම විටම, හැම තැනටම එන්නට විය. එහෙත් තෙරුන් වහන්සේ එය නොදක්නා සේක. එහෙත් අනෙකුත් භික්ෂූන් වහන්සේලා ද අවට සිටින ජනයා ද එය දකින්නාහ. උන්වහන්සේ පිඬු සිඟා වැඩිය කල්හි දන් පිළිගන්වන ජනතාව,

“මේ කොටස නුඹ වහන්සේටය. මේ කොටස නුඹ වහන්සේගේ යෙහෙළියටය.”

Read More

අවබෝධයෙන් කථාකරන භික්ෂූන් අතර අග්‍රස්ථානය ලද  වංගීස මහරහතන් වහන්සේ …

Posted by | පරම පූජණීය අසූ මහා ශ්‍රාවකයයන් වහන්සේ ... ( asu maha srawakayo ...), බුදු දහමට සබැදි පොදු ලිපි ... | No Comments

අවබෝධයෙන් යුතු වචන කථා කරන භික්ෂූන් අතරින් අග්‍රස්ථානය වංගීස මහරහතන් වහන්සේට හිමි වෙයි. උන්වහන්සේ  නිතරම බුදුගුණ වර්ණනා කරයි.  විසිතුරු උපමා අලංකාර වචන භාවිත කරමින් නොයෙක් පද සිය දහස් ගණනින් බුදුගුණ වර්ණනා කරමින් සර්වඥයන් වහන්සේ කරා එළඹෙයි. එහෙයින් අවබෝධයෙන් යුතු වචන කථා කරන භික්ෂූන් අතරෙහි අග්‍රස්ථානය ලැබූ සේක උන් වහන්සේගේ පූර්වාපර චරිතාපදානය මෙසේය.

මෙයින් කල්ප ලක්ෂයකට පූර්වයෙහි ලොව පහල වූ පදුමුත්තර නම් සර්වඥයන් වහන්සේ හංසවතී නුවර මහා සම්පත් ඇති කුලයක කුලපුත්‍රයෙක් ව උපන්නේය. හෙතෙම වැඩිවියට පත්ව දිනක් පියුමතුරා නම් බුදුරජාණන් වහන්සේගෙන් බණ අසා අවබෝධයෙන් යුතු වචන කථා කරන භික්ෂූන් අතර අග්‍රස්ථානය තබනු දැක් “මම ද අනාගතයෙහි මෙබඳු පදවියක් ලබන්නෙමි“යි  අධිෂ්ඨාන කොට ගත්තේය ඒ කුල පුත්‍ර තෙම සත් දිනක් මුළුල්ලේ බුද්ධ ප්‍රමුඛ මහා සංඝයාට මහ දන් පවත්වා අවසානයේ දී තම අභිප්‍රාය බුදුරජාණන් වහන්සේට දැන්වීය.  බුදුරජාණන් වහන්සේ අනාගතය බලා එම ප්‍රාර්ථනාව සඵල වනු දැක “ කුල පුත්‍රය, මෙයින් කල්ප ලක්ෂයකට මතු බුදුවන ගෞතම නම් බුදුරජාණන් වහන්සේගේ ශාසනයෙහි තොප  අවබෝධයෙන් යුතු වචන කථා කරන භික්ෂූන් අතරින් අග්‍රස්ථානය ලබන්නේ යැ“ යි නියත වූ විවරණ දුන් සේක.

Read More

හැම අතින් ම පැහැදීම් ගෙනදෙන භික්ෂූන් අතර අගතැන්පත් උපසේන මහරහතන් වහන්සේ …

Posted by | පරම පූජණීය අසූ මහා ශ්‍රාවකයයන් වහන්සේ ... ( asu maha srawakayo ...), බුදු දහමට සබැදි පොදු ලිපි ... | No Comments

වග්ගන්ත පුත්‍ර උපසේන මහරහතන් වහන්සේ හැම අතින් ම පැහැදීම් ගෙනදෙන භික්ෂූන් අතර අගතැන්පත් වූ සේක. තමා පමණක් නොව තමාගේ පිරිස ද එබඳු පැහැදීම් ගෙනදෙන ගති පැවතුම් ඇති හෙයින් ඒ පදිංචියට සුදුසු කම් ඇති භික්ෂුවක් වූ සේක. උන්වහන්සේගේ පූර්වාපර චරිතාපදානය පහතින් දැක්වේ.

කල්ප ලක්ෂයකට පූර්වයෙහි මෙලොව පහළ වූ පදුමුත්තර නම් බුදුරජාණන් වහන්සේ සියලු සතුන් සසරින් එතෙර කරවනු පිණිස ධර්ම දේශනා කරන සමයෙහි මේ උපසේන තෙරුන් වහන්සේ හංසවතී නුවර කුලගෙයක ඉපිද වැඩිවිය පැමිණ. බුදුරජාණන් වහන්සේගෙන් බණ අසනු පිණිස විහරස්ථානයට ගිය. එකල්හි බුදුරජාණන් වහන්සේ එක්තරා භික්ෂුවක් “හැම අතින්ම පැහැදීම ගෙනදෙන භික්ෂූන් අතරෙහි අග්‍රස්ථානය“ ලබනු දැක මම ද අනාගතයෙහි මෙබඳු පදවියක් ලබන්නේ අධිෂ්ඨාන කොට සත් දවසක් බුද්ධ ප්‍රමුඛ මහා සංඝයාට මහ දන් පවත්වා අවසානයේ දී තම අපේක්ෂාව බුදු බුදුරජාණන් වහන්සේට සැලකර සිටියේය. බුදුරජාණන් වහන්සේ  අනාගතය බලා ඔහුගේ  ප්‍රාර්ථනාවන් සඵල වනු දැක “ කුල පුත්‍රය, තොප ගේ අභිප්‍රාය මෙයින් කල්ප ලක්ෂයකටයකට මත්තෙහි බුදුවන ගෞතම නම් බුදුරජාණන් වහන්සේගේ ශාසනයෙහි සිද්ධ වන්නේ යැ“ යි නියත විවරණ දුන් සේක.

Read More

මනාකොට සෙනසුක් පනවන භික්ෂූන් අතරින් අග්‍රස්ථානය ලැබූ දබ්බමල්ල මහරහතන් වහන්සේ …

Posted by | පරම පූජණීය අසූ මහා ශ්‍රාවකයයන් වහන්සේ ... ( asu maha srawakayo ...) | No Comments

දබ්බ මල්ලපුත්ත මහරහතන් වහන්සේ මනාකොට සෙනසුක් පනවන භික්ෂූන් අතරින් අග්‍රස්ථානය ලැබූ සේක. සියලුම අටළොස් මහා විහාර මනාව පිරිසිදු කොට ඇඳ පුටු සකස් කොට පැන් එළවා තබා කළ යුතු සියලු කාර්යයන් ව සකස් කිරීම උන්වහන්සේගේ සිරිත හෙයින් මේ සෙනසුන් පනවන භික්ෂූන් අතරින් මුල් තැන ලබන ලද්දේය. මල්ල රට රජුගේ පුත්‍ර හෙයින් මල්ලරාජ පුත්‍ර යනුවෙන් ද හැඳින්වෙන උන්වහන්සේ නමින් නම් වනසේක මහරහතන් වහන්සේගේ පූර්වාපර චරිතාපදානයක් මෙසේය.

කල්ප ලක්ෂයකට පූර්වයෙහි මෙලොව  පහළ වූ පදුමුත්තර නම් බුදුරජාණන් වහන්සේගේ කාලයෙහි මේ දබ්බ තෙරුන් වහන්සේ හංසවතී නුවර කුලගෙයක ඉපිද වැඩිවිය පැමිණ එක් දිනක් බුදු බුදුරජාණන් වහන්සේගෙන් බණ ඇසීමට ගියහ. එහිදී බුදුරජාණන් වහන්සේ එක්තරා භික්ෂුවක් සෙනසුන් පනවන්නන් අතර අග්‍රස්ථානයෙහි තබනු දැක තමාද අනාගතයෙහි මෙබඳු පදවියක් ලබන්නෙමි අධිෂ්ඨාන කොට සත් දිනක් මුළුල්ලෙහි බුද්ධ ප්‍රමුඛ මහා සංඝයා වහන්සේට මහ දන් පවත්වා අවසානයේ දී තම අභිප්‍රාය පියාණන් වහන්සේට සැළ කළහ.  සර්වඥයන් වහන්සේ අනා අනාගතයේ බලා එය සඵල වනු දැක එම්බා කුලපුත්‍රය.  මෙයින් කල්ප ලක්ෂයකටයකට මත්තෙහි ලොව පහළවන ගෞතම නම්  බුදුරජාණන් වහන්සේගේ ශාසනයෙහි සෙනසුන් පනවන භික්ෂූන් අතරින් අග්‍රස්ථානය ඔබට ලැබෙන්යැයි  විවරණ දුන් සේකැ.

Read More

කරඩු හතක් තුල වැඩ සිටිනා ශ්‍රී දළදා වහන්‍සේ‍ගේ

Posted by | පරම පූජණීය ශ්‍රී දළදා වහන්සේ ... ( Sacred Tooth Relics of Lord Buddha. ) | No Comments

දළදා වහන්සේ අපට පියවි ඇසට දක්නට ලැබෙන්නේ දළදා දැක්මකදී පමණි. එවැනි අවස්ථාවක් එළඹෙන්නේ බොහෝ කාලයකට පසුවය. එහෙත් අප දකින්නේ දළදා වහන්සේ වැඩ සිටින කරඬුව පමණි. එනමුත් උන්වහන්සේ වැඩ සිටින්නේ අප ඇසට දකින කරඬුව තුළ නොවේ. දළදා වහන්සේ වැඩ සිටින්නේ අප දකින කරඬුව ඇතුළු කරඬු හතක් තුළය.දළදා මාලිගාවේ ඇතුල් මාලිගාව නොහොත් ගඳකිළිය නම් කොටසෙහි දළදා කරඬුව තැන්පත් කර තිබේ. විශේෂ වෙඩි නොවදින වීදුරු ආවරණයක් තුළ මෙම සුවිසල් කරඬුව තැන්පත් කර තිබේ. ජපන් රජය මෙම වීදුරු ආවරණය දළදා මාලිගාවට පූජා කර තිබේ.මෙම සුවිසල් කරඬුවෙහි රන්මාල සහ වටිනා මැණික් ගල් අල්ලා තිබෙනු දක්නට ලැබේ. නොයෙක් යුගවලදී රජවරුන්, බිසෝවරුන්, සේනාධිපතිවරුන් සහ විවිධ රාජ්‍ය නායකයන් දෙස් විදෙස් බෞද්ධයන් දළදා වන්සේ උදෙසා එම රන්මාල, මැණික් පූජා කර තිබේ. මෙම පූජාවස්තුන් පූජා කළේ කවුරුන්ද යන්න මාලිගාවේ ඇති කොමසාරිස් පොත නම් ග්‍රන්ථයේ ලෝඛනගත කර ඇත.අතීතයේදී ශ්‍රී දළදා කරඬුව විවෘත කිරීමට පෙර එහි ඇති එම පූජා වස්තූන් ගැන ලේකනය කියවනු ඇත.ළදා වහන්සේ වැඩ සිටින දැනට අපට පෙනෙන සුවිසල් කරඬුව පූජා කර ඇත්තේ විමලධර්මසූරිය රජතුමා විසිනි. එය රිදී පාටින් යුක්තය.

Read More

සාම්ප්‍රදායික කෙම් ක්‍රම …

Posted by | සිව් හෙලයන් කල විස්කම් ( Siw hwlayak kala wiskam) | No Comments

කෙම් ක්‍රම යනු සාම්ප්‍රදායික පැරණි ගැමි විශ්වාස මෙන්ම අත්දැකීම් මත පදනම් වූ සුවිශේෂී ආරක්ෂක ක්‍රමවේදයකි. විශේෂයෙන් සිංහල ආයුර්වේද වෛද්‍ය විද්‍යාව තුළ රහස් වෛද්‍ය ක්‍රමයක් ලෙසද බොහෝ විට කෙම් ක්‍රම භාවිත වේ. එසේම කෘෂිකර්මාන්තයේදී ගොඩ,මඩ මෙන්ම හේන් ගොවිතැනේදීද භාවිතවන කෙම් ක්‍රම ගණනාවකි. මේ සියල්ලට අතිරේකව ගුප්ත විද්‍යාව තුළද යම් යම් කෙම් ක්‍රම භාවිතා වනු දැකිය හැක

කෙම් ක්‍රමවල මූලාරම්භය අවිනිශ්චිතය. දුර ඈත දඩයම් යුගයේ පවා කෙම් ක්‍රම භාවිත වූ බවට පැරණි පොත්පත්හි සඳහන් තොරතුරු සාක්ෂි දරයි. කෙම් ක්‍රම සියල්ලම පාහේ මුඛ පරම්පරාගත ගුරුමුෂ්ඨිය සහිතය. මේ නිසාම වර්තමානය වන විට අතීතයේ බහුලව භාවිතා වූ ඉතා වටිනා කෙම් ක්‍රම රාශියක් සහමුලින්ම වැළලී අභාවයට ගොස් අවසානය. ඒ අවාසනාවන්ත ඉරණම වටිනා කෙම් ක්‍රමවලට උදාවූයේද එකී වටිනා කෙම් ක්‍රම අනාගත පරපුරට දායාද නොවූයේ ද පටු ආත්මාර්ථයන් හීනමානයන් මත පදනම් වූ ගුරු මුෂ්ඨි නිසාවෙනි.

Read More

යන්න නැවත, බුදුන් වැඩ විසූ අතීතයට…

Posted by | බුදු දහමට සබැදි පොදු ලිපි ... | No Comments

ශ්‍රී බුද්ධවර්ෂ 2556 ක් වූ
වෙසක් මස පුන්පොහෝ දා,
නුවර වැව් කෙම් ඉමේ සිට,

නමෝ බුද්ධාය..!

සදාසැනසිල්ල වේවායි පතමින් ලියමි,

දයාබර යාලුවනේ..

දුර ඈත අහස් ගඟ කෙළවරේ, සුරඟනා දෑඟිලිවලින් දිව්‍ය තත්සර නැංවෙන මේ අපූරු රාත‍්‍රිය වෙනදාටත් වඩා හරි ම සුන්දර යි. රොබරෝසියා මල් වැටුණු නුවර වැව් කොණේ පුංචි බංකුවක මම වාඩි වුණේ පුරුද්දට වගේ… නො දැනුවත්වම. සුදු පාට මීදුමින් පෙඟුණු සීතල සුළං රැළි හිමි හිමිහිට හමා ගෙන යනවා. වැව් දිය මත බබළන දළදා මාළිගාවේ රත්තරන්පාට ඡායාව ඒ සුළං රැළි නිසා වරින් වර බොඳ වෙලා යන්නෙ හරියට ඒ දිහා ම බලාගෙන ඉන්න මගෙ ඇස් දෙකට විවේකයක් දෙන්න වගෙයි… රොබරෝසියා ගස්වල අඳුරු සෙවණැලි අතරින් සොඳුරු පුන්සඳේ සුවිසල් ඡායාවත් වැව් දිය මතට වැටිලා.

වෙනදා වගේ නො වෙයි. අද මාළිගාව සුදු වතින් සැරසුන සැදැහැවතුන්ගෙන් සම්පූර්ණයෙන් ම පිරිල ඉතිරිලා ගිහින්… ඇයි දන්නව ද..? අද වෙසක් පුන්පොහෝ දින ය. සාමාන්‍ය වෙසක් පුන්පොහෝ දිනයකුත් නො වෙයි. ඒ ශාන්ති නායකයාණන් වහන්සේගේ 2600 වැනි ශ‍්‍රී සම්බුද්ධත්ව ජයන්තිය සැමරෙන අති උතුම් වෙසක් පුන්පොහෝ දිනය.

හීනියට ඇහෙන දළදා තේවාවට කන් දීගෙන හිටපු මගේ අවධානය එක පාරට ම නැති වෙලා ගියේ, කන්බීරි කරවන තරම් හයියෙන් ගහපු වාහනයක නලා ශබ්දය නිස යි. මට ඉබේට ම ඒ පැත්ත බැලුණ. මැදිවියේ මනුස්සයෙක් අඩියට දෙකට පාර පැනගත්තෙ, ඒ වාහනයට යට වෙන්න ඔන්න මෙන්න කියල තියෙද්දි.. ඒත් එක්ක ම මට කලින් කියවල තිබුණු හරි ම අපූරු නිසදැසක් මතකයට නැඟුණා.

මේ කවිය ලියල තියෙන්නේ ජපන් ජාතික කවියෙක්. එතුමාගේ නම දයිසකු ඉකෙදා. ඇත්තට ම මෙවලම්වලින් නැඟෙන මේ මහා ඝෝෂාව මැදින් මටත් සිතුණ මුළු නුවරට ම ඇහෙන්න කෑ ගහල කියන්න, “ඒ උත්තරීතර මුනිවරයා වෙත ආපසු යන්න..!” කියල.

වර්තමානයේ අපි එතරම් ම මෙවලම්වලින් පිරුණු ලෝකයක හිරවෙලා… හිතා ගන්නත් බැරි තරම්..

ඔබ දන්නවා… සිඟිති සිද්ධාර්ථ කුමාරයා මේ ලෝකයට බිහි වුණේ අද වගේ පුන්පොහෝ දවසක. ඒ කොතැන දී ද කියල ඔබට මතක යි ද..? ලුම්බිණියේ මලින් බර වූ සාල රුක් සෙවණකදි. සිද්ධාර්ථ ගෞතම යොවුන් වීරයාණන් වහන්සේ, තුන් ලෝකයේ උත්තරීතර ම පදවිය වන සම්බුද්ධත්වයෙන් අභිෂේක ලැබුවෙ ත් අද වගේ දවසක. ඒ කොතැන දී ද කියලත් මතකයි නේ ද..? ගයාවේ ගංතෙරේ සිලි සිලි හඬින් බෝ පත් සැලෙන සොඳුරු ඇසතු වෘක්ෂයක් සෙවණෙදි. අපමණ ලෝ සතුනට සදා සැනසිලි සුව ලබා දුන් ඒ ආදරණීය ශාස්තෘන් වහන්සේ අනුපාදිශේෂ නිර්වාණ ධාතුවෙන් පිරිනිවන් පා වදාළෙත් අද වගේ දවසක. ඒ කුසිනාරාවෙ අකලට පිපී මල් කඳුළු වගුරන යමා සල් රුක් සෙවණෙදි. බලන්න ලෝකයේ උතුම් ම මනුෂ්‍ය රත්නය මේ සොබා දහමත් සමඟ කෙතරම් විශ්මිත සබැඳියාවකින් යුතු වුණා ද කියා.

උන්වහන්සේගේ ජීවිතයේ බොහෝ වැදගත් සිදුවීම් සිදු වුණේ, සඳරැසින් බබළන එළිමහනේ. එක්කෝ සිහිලැල් සුවදෙන රුක් සෙවණේ. බොහෝ අවස්ථාවල භාග්‍යවතුන් වහන්සේ මාර්ගයෙන් ඉවතට වැඩම කරල රුක්සෙවණක පණවන ලද අසුනේ වැඩ සිටිනවා. එහෙමත් නැත්නම්, සඳ බබළන රාත‍්‍රියේ සොඳුරු පොකුණු තීරයන්ගේ හෝ එළිමහනේ භික්ෂු සංඝයා පිරිවරා ගෙන වැඩ සිටිනවා. භාග්‍යවතුන් වහන්සේ ඒ විදියට සොබා දහම සමඟ නිහඬව ම වැඩ සිටියත්, ඒ වැඩ සිටීම පවා සොඳුරු ධර්ම දේශනාවක් වගේ වුණා. එය ඇත්තෙන් ම නිහඬව ම කියන බණක්.භාග්‍යවතුන් වහන්සේගේ ශ‍්‍රාවකයිනුත් ඒ ශාස්තෘන් වහන්සේ අනුව යමින් ඇළ, දොළ, ගංගාවලින් පිරුණු මහා වනාන්තරවලට ප‍්‍රිය කළා. මතක ද එක් අවස්ථාවක බුදු සමිඳුන් මේ විදියට වදාළා.

සොබාදහම සමඟ එළිමහනේ ජීවත් වූ, ඒ පරම සුන්දර මුනිවරයාගේ දහම අපේ මිනිස්සුන්ගේ ජීවිතවලින් ඈත් වෙන්න පටන් අරගෙන දැන් බොහෝ කල් ගත වෙලා. එනිසා ම මිනිසුන් සොබා දහම වෙනුවට මෙවලම්වලට පෙම් බඳින්ට පටන් අරගෙන. රුක් සෙවන, එළි මහන වෙනුවට කොන්ක‍්‍රීට් කණු අතරේ, ගඩොල් බිත්ති අතරේ මුළු ජීවිතේ ම ගෙවා දාන මහ අවාසනාවන්ත ජීවන රටාවකට හුරුවෙලා. ඒ කොන්ක‍්‍රීට් ගොඩවල් ම, තමන්ගෙ ඔළු උඩට කොයි මොහොතේ කඩාගෙන වැටෙයි ද කියල මහා බයකින් ජීවත් වෙන්නත් සිද්ධවෙලා. එක්තරා විදියක සරදමක් වගෙයි.

කුරුළු කොබෙයියො සොබා දහමත් එක්ක ඒකාත්මික වෙලා නඟන සුමිහිරි නාදයන් වෙනුවට අද සවනතට වැකෙන්නෙ මහසද්දෙන් මෙවලම්වලට තඩිබාමින්, යටි ගිරියෙන් කෑ මොරදෙන ඩිජිටල් ගීත. සොබා දහම මවන සොඳුරු දසුන් වෙනුවට, මිනිස්සු පරිගණක, රූපවාහිනී යන්ත‍්‍ර ඉදිරියේ වරුගණන් හිඳගෙන, උමතුවෙන් වගේ විකෘති කාමයන් රස විඳිනවා. ඇත්තෙන් ම කියනා නම් මිනිස්සු යන්ත්‍රෝපකරණවල දාසයන් බවට පත් වෙලා… අපේ මුතුන් මිත්තන් මේ ගහ – කොළ, ඇළ – දොළ, ගංඟාවලට… ඉර – හඳ තාරුකාවලට දේවත්වයෙන් වැඳුම් පිදුම් කළ බවට අපේ ඉතිහාසය සාක්ෂි දරනව. ඒ නිසා ම ඔවුන් සොබා දහම දෙස බැලූවේ ගෞරවය මුසු හැඟීමකින්. ගහක අත්තක් කපන්නට පෙර පවා ඔවුන් දෙවතාවක් සිතුවා. ඇතැම් විට අවසරත් ගත්තා. ඒ දේවල් තුළින් සැබෑ සරණක් නො ලැබෙන බව සත්ත යි. නමුත් ඒ අව්‍යාජ වන්දනාවන් ලඝු කරල සලකන්නට හැකි වෙන්නේ සම්බුදු සමිඳුන්ගේ දහම වැනි අති පරමෝත්තම දහමක් හමුවේ පමණ ම යි. මුළු ලෝකය ම විනාශමුඛයට ඇද දමමින් ගොඩනඟන නවීන විද්‍යාව හමුවේ නම්, ඒ ඇදහීම් ඇත්තට ම ශ්‍රේෂ්ඨ යි. මොකද ඒ දේවල් තුළින් මේ ලෝකයට හානියක් වුණේ නැහැ. නමුත් බලන්න ගස් ගල්වලට වැඳපු අපේ ම උදවිය දිහා අවමානෙන් බලන නූතන මිනිසුන් විසින් තමන් ජීවත්වන ලෝකය ම කොයිතරම් දුරට විනාශ කරගෙන ද කියල.

ඔබ දන්නවා 2010 – 2011 වර්ෂයන් මිනිස් ඉතිහාසයේ ස්වභාවික විපත් අධිකව ම සිදු වූ වකවානුවක් බව. මේ යන රටාව තව දුරටත් නරකට පෙරළෙන අඳුරු සෙවණැලි මිසක, යහපත් වෙන බවක් නම් පෙනෙන්නට නැහැ. යම් විදියකින් අනාගතයේ නැවත මේ මිනිස් ලෝකයේ උපදින්නට සිදු වුණොත් කුමන ඉරණමකට මුහුණ දෙන්ට සිදුවෙයි ද කියා සිතාගන්නටවත් බැහැ. සුගති ලෝකයක් වන මේ මිනිස් ලෝකයත් මිනිසුන් විසින් ඒ තරමට ම විනාශ කරලා. දුගති ලෝකවල තිබෙන දුක ගැන කවර කථා ද..?

ඉතින් ඒ නිසා එළිමහනේ හුදෙකලාව ම වැඩ සිටි ඒ මුනිවරයා සොයා යන්නට තවත් ප‍්‍රමාදවෙන්න එපා. යන්න ඒ අපේ බුදුන් වෙත, අද ම යන්න…! දැන් දැන් ම…!

ඒත් කොහොම ද ඒ මුනිවරයා වෙත යන්නට පුළුවන් වෙන්නේ…? එය කළ හැකි දෙයක් ද..? ඇත්තෙන් ම එය කළ හැකි යි. ඒ සඳහා ඔබට මෙවලම් අතර සිර වූ ජීවිතය මදකට ඉන් මුදවා නිදහස් කරගන්නට සිදු වෙනවා. නුහුරු නිසා අපහසුවෙන් නමුත් නිහඬ බවේ ගීතයට සවන් පත් යොමු කරන්නට ඔබට සිදු වේවි. ඒ නිහඬභාවය තුළ හිඳිමින් බුදු සමිඳුන් පෙන්වා වදාළ දහම් මාවතේ අප‍්‍රමාදීව පියනඟන්නටත් සිදු වේවි.

ආර්ය මාර්ගය තුළ ගමන් කරමින්, යම් දිනෙක ඔබ ආර්ය න්‍යායය අවබෝධකර ගන්නවා ද, එදිනට නො සැලෙන සිත් ඇති ව, නිඟඩ බව ම ගීතයක් කොටගෙන වැඩසිටි ඒ උත්තරීතර මුනිවරයා ව දකින්නට ඔබට පුළුවන්… මතක ද උන්වහන්සේ වරක් මෙහෙම වදාළා..

“යමෙක් ධර්මය දකියි ද, ඔහු මා දකියි. යමෙක් මා දකියි ද ඔහු ධර්මය දකි යි.”
ඒ වගේ ම මෙහෙමත් වදාළා,
“යමෙක් පටිච්ච සමුප්පාදය දකියි ද ඔහු ධර්මය දකියි, යමෙක්ධර්මය දකියි ද ඔහු පටිච්ච සමුප්පාදය දකියි.”

මෙය තුන්කල් විනිවිදි, සනාතන වූ සත්‍යය ධර්මයක්. එනිසා ම යම් කලෙක, පටිච්ච සමුප්පාදය අවබෝධ කිරීම තුළින් යමෙක් ධර්මය දකිනවා ද, එකලට ඔහු බුදුරජුන් දකිනවා. ඒ අතීතයේ එළිමහනේ, රුක්සෙවනේ වැඩ සිටි ආශ්චර්යමත්, අභිමානවත්, අකම්පිත සිත් ඇති මහාමුනිවරයා ව ඔහු දකිනවා. මෙය රූප කාය දකිනවාය යනුවෙන් වරදවා ගන්නට එපා..! නමුත් බුදුරජුන් කියන්නේ කවුරුන් ද කියා ඔහු දහම තුළින් නිසැකව ම දකිනවා. ඉන් පසු කොතැනක දී වේවා, කුමන තත්වයක් යටතේ දී වේවා, මෙවලම්වලින් නැඟෙන අමිහිරි හඬ මැද්දේ වේවා, ඔහුට ඒ බුදු සමිඳුන් සමඟ කාලය ගත කරන්නට පුළුවනි. මන්ද, ධර්මය දුටු ආර්ය ශ‍්‍රාවකයා නිරන්තරයෙන් බුද්ධානුස්සතිය වඩමින් කල් ගතකරනවා. එකල ඔහුගේ සිත කෙලෙස් අවුස්සන මේ විෂම ලෝකයෙන් ලැබෙන පීඩාවන්ගෙන් මිදී, ශාන්තභාවයට පත් වෙනවා. ඉතින් ඔහු කල් ගත කරන්නේ අතීතයේ වැඩ සිටි ඒ අපේ බුදුන් සමඟ යි..!

අපි මේ මිනිස් ලෝකයේ ගත කරන්නේ ඉතා ම ටික කාලය යි. ඒ ටික කාලයත් ඩිජිටල් ලෝකයට, තාක්ෂණික මෙවලම්වලට පෙම් බඳින්නට ගොස් අපතේ දාගන්නට එපා..! එය අපි විසින් අපට ම සිදු කර ගන්නා මහා විපතක් ම යි. ඒ නිසා ලැබෙන සෑම මොහොතක් ම අපේ බුදු සමිඳුන් සමඟ කාලය ගත කරන්නට යොදා ගන්න. සෑම මොහොතක ම බුද්ධානුස්තිය වඩන්න…. ධම්මානුස්සතිය, සංඝානුස්සතිය වඩන්න. බුදු රජුන් යමක් වදාළා ද, එය ම සිදු කරන්නට උත්සාහ ගන්න. එවිට ඔබ ගස් සෙවණක සිටියත්, කොන්ක‍්‍රීට් ගොඩක් මැද සිරවී සිටියත්, ලොවේ කොතැනක සිටියත්, ඒ බුදු සමිඳුන් ඔබ ළඟ ම යි. ඔබ ඒ බුදුසමිඳුන් ළඟ ම යි.

දිව්‍යාංජලී සූරියබණ්ඩාර
මහාමේඝ වෙසක් කලාපයේ පළ වූ ලිපියකි..

දැදිගම ඇත් පහනේ භෞතික විද්‍යාත්මක පදනම …

Posted by | සිව් හෙලයන් කල විස්කම් ( Siw hwlayak kala wiskam) | No Comments

දැදිගම ඇත් පහන පොළොන්නරු යුගයේ නිර්මාණකරුවන් විසින් නිර්මාණය කළ අගනා ඉංජිනේරු විස්කමක්. විදුලි ආලෝකය නැති යුගයක රෑ පුරා දැල්වෙන පහනක් කියන්නේ වැදගත් නිර්මාණයක්. නමුත් එහි ඇති ගැටළුව වෙන්නේ පහන රෑ පුරා දැල්වෙන්න නම් අපිට වරින් වර පහනට තෙල් දාන්න සිදු වෙන එකයි. මුළු රෑටම අවශ්‍ය කරන තෙල් ප්‍රමාණය එක වර දැම්මොත් පහන් තිරය තෙල් වල ගිලෙනවා. ඇත් පහන සාදා තියෙන්නේ මේ දුශ්කරතා දෙකම මග හැර ගන්නට පුළුවන් ලෙසටයි.

ඇත් පහනේ තෙල් ගබඩා කරන්නේ පහන් තැටියට උඩින් සවි කර තිබෙන ඇතාගේ උදරය තුළයි. පහනට තෙල් පුරවන විට ඇතා සහිත කොටස පහන් තැටිය මත ඇති ආධාරක වලින් ගලවා, ඇතා උඩු යටිකුරු කරවා ඇතාගේ ඉදිරිපස පාද අසළ A නම් ස්ථානයේ ඇති සිදුරින් තෙල් වක් කළ යුතුයි. මේ වත්කරපු තෙල් රූපයේ පෙන්වා ඇති බටය දිගේ ගොස් ඇතාගේ උදරයේ පිරෙනවා. පහන නිසි පරිදි ක්‍රියාත්ම වීමට අවශ්‍ය තෙල් පරිමාව දක්වා ඊට තෙල් පුරවන්න පුළුවන්. දැන් නැවත් ඇතා උඩුකුරු කළත් උදරයේ ඇති තෙල් මුල් මාර්ගය ඔස්සේ එළියට එන්නේ නෑ. මොකද තෙල් වත් කළ බටය ඇත්තේ උදරය තුළ B වල ද්‍රව මට්ටමට වඩා ඉහළින් නිසා.

Read More

IFBC Home Page
error: Content is protected by www.ifbcnet.org.